min û gelawêj
From the Book:
Dîwanî Şêx Nûrî
By:
Shekh Nouri Shekh Salih (1896-1958)
1 minutes
782 views
gelawêjî felek peyma! eya xurşîdî bêdaran
eya hemderdî ẍemxiwaran
le wadî ḧîret û sersamîya řencûr û sergerdan
be nûrî girye alûdit beser tarîkîy şewda
eřêjî eşk û ’alem wa lenaw bîruşey xewda
keçî toş walew û şeyda
zebûnî hat û çoy daym, be corêkî ḧezînane
be daym her xerîkî laberî tarîkîy şewgar
be nûrî tîşkî piřtewdar
le deştî çoł û hołî asmana toş be wêney min
xefet barane, nesrewtû, cigerbiryan û bê aram
şipirzey mîḧnet û alam
wekû min toş be şewgaran xew espêrî be řojî pak
wenewzê nakewête çawekanit, ey perî řeftar
legeł çawêkî piřşingidar
ełêy îlhamî hełsanî xewî, ey necmî bê perwa
be firmêskî elem řêzanewe, lew dûrewe aye tuxwa
le çî ḧałî ebî emma
weha dyare min û to... min le erza, to le gerdûna
le sergerdanya wek yek, le deryay bê binî bûna
tekutarmane herdû, min le şwên amal û to alam
bełam wek mubteday bê xeber, aẍazî bê encam