ce serdîy mobet azîzî bêgerd
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1024 views
ce serdîy mobet azîzî bêgerd
coy hûnawî dił ce dîdem yex kerd
destî bêřeḧmîş da ne sîney şewq
giř werdan ne cerg cestey hestîy zewq
zehrî xem şîyen ne kamî şadîm
her derden meyo mubarek badîm
henasem řêzey dił maro ew ber
ser kerden zuxaw ce zamî xeter
meynet çun tucar we metay sed terz
kerden ne derûn neway şadî berz
dił wiłuł kerden xedengî dûrî
soçnan cestem derdî mehcûrî
hana hamderdan taqet nemenden
cewrekey azîz řîşey dił kenden
beydê we lay min ḧałim bedḧałen
ce dûrî azîz ten koy zuxałen
bizandê xem çon kerdenim pamał
dexîlim saqî gerden sîmî qał
camê ce me’cûn derdî ewgaran
durdî wamendey bezmekey yaran
pêmder ta řîşey hestî kero pey
qurban toyç, neyçî, destê ber pey ney
we terzekey wêt min lawnewe
we meqamê weş xem tawnewe
ba xas xas hoşim hîç nemeno pêm
beł azîz we xeyr řeḧmê kero pêm