ce min ta dûrî er sed firseng bo
From the Book:
Dîwanî Mewlewî
By:
Mawlawi Tawagozi (1806-1882)
1 minutes
794 views
cemin ta dûrî er sed firseng bo
er bo řazî bû zwanim leng bo
bełam çêş kerû bełam hemřazen
fełek kełek çîn çenîm keçbazen
kardî meynetiş îstîxwan kawan
zyay dîde û dił megêrem tawan
qełay wîrim seyl hûnaw berdebê
burcî agayîm wêran kerdebê
kêşkiçîy xeyał xem fam sendebê
dûkançey beden bêkes mendebê
firset zanabê terîdey qatił
yekser berdebê kałay gyan û dił
xeber bîm hoşim ama we berda
em la gyan, ew la dił, dam we serda
ladê êşî sext, satê wey řo wey
watim çar nîyen mer bişûn we pey
dîm nałçekey dax diłey piř ce hûn
şeqiłş ha ne řûy gerdî řay derûn
řewanter ce hers we sed qetre û dew
ta we mekogey asenekey ew
lałam û nałam ḧaşat muşkiłen
gyan fîday to bo ye bełgey diłen
sîway to azîz ney zemaneda
kên guzer kero bey wêraneda?
ne nîm nîgayê, nekerd temaşa
çêdîş wêney mał yaran kerd ḧaşa