pênc xiştekî qani’ leser şî’rî ḧemdî saḧbiqeran
From the Book:
Şaxî Hewraman
By:
Qani (1898-1965)
4 minutes
965 views
ey weten! beynêke pestî mujde bê dewrante
xwênî kujrawanî konit boyeyî heywante
gwê leherla řagrî her gufit û goy lawante
ey weten řom û ’ecem muştaqî kurdistante
îftîxarî mîlletî kurd şewketî ’înwante
ey weten! çawit netirsê qet le ẍaz û top û tang
wa qełem bot pê geyşit, boto eka hawar û bang
ba bixinkê kakî bedgo! dûkełî dew bîxe qang!
beste serberzî sibeynan û şewanit řoj û mang
wek nîşan û îḧtiramî sîng û necmey ser şante
key qełem etwanê basî to binûsê ya ziman?
çon etwanê sed yekê bast bika bomin beyan!
ey tebî’et! aferîn bo kirdewet, bo kurdistan
berq eda û eřjê wekû emwacî gewher çeşmekan
awe ya řoḧî řewanî çeşmeyî ḧeywante
katê qapî gułşen û baxanî to ekirêtewe
qełbezey awit be řûy şaxaneda eřjêtewe
zamî cergî ’aşiqanit pey le pey ekulêtewe
awe ya nûre le ’eksî xor ke ebrîskêtewe?
ehlî ḧîkmet wa ezanin duřřekanî kante
sed wekû lubnanLocation û berlînLocation, bo qezagêřî serit
sedhezaran cewherî, qurbanî tozî cewherit
řojî tenganeş ebînim, şaxekanî sengerit
guł gułî sûr û sipî xałxałî xakî gewherit
podrey řuxsar û surmey řîştinî çawante
xezneyêkî destî qudret kirdiwêtî bo hejar
řû le her layê ekem her gułşen û her mêrẍuzar
kohsarit germyan û germyant kohsar
’aşiqî řengî xezanî toye boye dê behar
fesłî hawîn germe meylî befrekey zistante
ey weten! cêy nûrî ḧeqî to beçeşnî kêwî tûr
sedhezar mûsat heye heryek wekû deryayî nûr
dexił û danit gêtîy piř kird ca nizîk bê yaxud dûr
çunke ’emmarî zexîrey ka’înate şarezûrLocation
şehirbazař xwanî mîwane û leber mîwante
ger xeyałî to bikem, fewrî le dił xem dête der
nawî to bem, dem ebête çawgeyî şehduşeker
seyrî deştî to ekem çun çake bo zamî ciger
basî mîwey to ekem boye qełem hatote ber
bestekanim besteyî ehlî dił û ’îrfante
giştî şûşey zêřuzîwe, baxebaxey genim wico
to, beheştî em cîhaney bê gezaf û bê diro
bîre û wîskî şikêne camołey piř befir û do
piłpiłe û lagîreyî zêřînî cwanî qewmî to
ziřziře û piştêneyî berdînî qed şaxante
kêw û kwêstanit serapa qirimz û gułnarîye
şîweł û deşt û nizarit awî safî carîye
sed minî bulbul le bo guł îş û karî zarîye
asman û şaxî berz û panî erizit dyarîye
małî kurdît û ewe dîwarî ḧewşe û bante
daxekem bo ew demey laçê le nawa dûdłî
lawî xwên germim bizanê wides nedate ser çiłî
ca temaşay xakeket kewbêreser seyrî gułî
peykułî ta qesrî şîrîn řakşawe bê kułî
deştî qendîlit dirêje bo çiraçî wante
seyrî kêwî ezmeřLocation û goyjeLocation çilon xoyan nwan
bo guł wibaxçey lexoyî piştî lubnanyan şikan
darî zerd, zerd nabê emřo ta eçête asman
pîremegrunLocation tacî şahaney beserberzî qiřan
tem demawen dagrê meḧcûbî hewramante
kurde bê xem hełse serpê, řû kere şadî û demax
newnemamit pêgeyşit û hate ber wek darî bax
deste’ejno danenîşî û hełbikêşî ax û dax
xetî dîwanî şiksitey gird û lûtkey berzî şax
řoşne bo serbexoyî tûřeyî fermante
řemzî ḧemdîPerson qani’Pen namea nazanî to me’nay çîye
řû ekate ew kesey ẍaye perist wek lotîye
ba wecud gwêy hełkenî danaçłekê sûdî çîye
carubar ḧemdî gilet ger lê bika naḧeq nîye
cerde řamegre nełên xełqî canî cante