qani’ û lêfekey
From the Book:
Şaxî Hewraman
By:
Qani (1898-1965)
3 minutes
1656 views
lêfe koney dařzîw
pirtûkawî xwa biřîw
ne sardît û ne germî
ne berge def, neçermî
mar nît, wek mar egezî
tîjî be çeşnî derzî
bonit wek segî topîw
eřwa em dîw bo ew dîw
ne berit hes, nepşitit
bawkîşim her to kuştit
loke konî, hênde konî
kes nazanê çilonî
ne sûrît û ne şînî
xawen dirz û birînî
ne sewzît û ne borî
nazanim to çi corî?
wekû meşkałe řeqî
xawen kun û şebeqî
katê etkêşme sero
piştênem wa be dero
katê etdem be pêma
laşem bê lêfe cêma
řonim nîye bo dewrî
axir to be çî çewrî?
xozgem bew řojey zistan
řê gum ekem le kwêstan
le naw befir wisehuła
lepoyey şaxî çoła
çunku le towe dûrim
lewya şad û mesrûrim
nałêm boçî diřawî?
ezanim ke fewtawî
bełam řastim pê bêje
be wirdî bom hełřêje
kê toy diřî yekem car
wa toy hawirde řûy kar?
wiłamî lêfe
qani’Pen name le min diřawtir
le min zyatir fewtawtir
katê adem der kira
le beheşt beşî bira
minyan daye be xełat
minî hêna řûy bîsat
le lay adem hezar sał
mamewe be her eḧwał
be mîrat kewtime lay şîs
le şîsewe bo îdrîs
des be des pêẍemberan
ta kewte des sulêman
ewsa kewte lay şahan
ḧukim daranî cîhan
le cemşîdu keyqubad
ḧamûřabî ta şedad
eskender û feyleqûs
çar qeyaserey řûs
boye weha fewtawim
yekcarî min nemawim
îste çake, hawîne
germa tewaw be tîne
řaweste takû zistan
befir eřjête kwêstan
quř be serit bo bîrit
çilon ekey tegbîrit
eger be hîway minî
cêgey oxey dujminî
wek kiłaşî sofî leř
katê tîrey dête der
lûtî eda le pajney
be kar nayet lay ebey
toyş le serma tewêłit
gîrî ejnoy çewêłit
xot kûř nekey wek jîjû
jîjûy le serma mirdû
ewsa małit wêrane
ewsa derdit girane
ewsa ezanî ke min
xirabtirim le dujmin
eger hîwat be min bê
her dû destit be gun bê
eger ḧez nakey bimrî
bełkû kełkêkîş bigrî
biřo bo lay paredar
ya mał aẍa, ya tucar
bibe be karekeryan
yaxo, be bareberyan
darî aẍa bigre des
bikuje û gwê meye be kes
şeq le miskînî hejar
heta eybey bo bêgar
be ser aẍa swên xwardin
dyarî bo xanim birdin
bełkû bîken beser kar
xerman hełgirê bo hejar
le de, pêncî tapo bê
mawe nîwey bo to bê
ewsa biço bo dîwexan
behar bê yaxo zistan
lêfey cwanî řengawî
ya sewz ya sûr ya awî
leser doşekey nerma
le dîwexanî germa
bo xot binû be bê xem
min herwame, kewa hem