germyan û dařjanî řoḧ
em pêdeşte begřeye û em jîlemoy xołe,
pêstî kam qesîdey sûtaw û kam mêjûy hełqirçawe?!
em berayîy germêne çi kiłpeyekî tya zawe û
çi gêjełûkeyek be demî weyşûme û tendûrekanî xoy,
xwênî řeştałey qurbanîyekanî tya nûsîwetewe?!
min û germên û êwe
syaney hemû ew şî’raneyn
ke berdewam le dawênî be zirîkey enfalewe
legeł wirde birûskeda ekewne xwarewe!
êre nîştimanî ew merge buwe ke bo xoy karwane
xewn û yadgarîy hezaran hezarî cêhêşt û bo
cîhanêkî bê diłîş çemołeyekî berdînî nefretîn!.
lêrewe dozex kewte řê û
lêreda jyan le xaç dira û
lêrewe xwên le wişe çořayewe û
lêrewe pepûle qirimzîyekan le řîşî piř le hetawî
mewlewîPerson tawegozî û le henyey kujrawî xorinşînasay «’enber xatûnPerson» ałan!
şî’rî min û germên
le qîje û eşkewt û
le dûkeł û gundî kawilkiraw eçin.
min şa’îrî deverî qurbanîyekanim û
be henasey ewan şî’ir enûsmewe û
be dwa serincî pertî ewanîş gijugyay
em pêdeşte exwênmewe!.
min şî’irim, lem dozexe danebřîwe.
wişeşim, le cestey zarołekanî cwê nekirdotewe.
qełemîşim berdewam derwêşe momêkî pirç hełgîrsaw buwe û
le şanoy em pengireda semay kirduwe.
boye řwanînekanim demêk ebin be askî berkawî
êwaranî û be temumjî şîtałşîtałî řeng û boy
gwê awî û be seday qetarî hełpiřuzawî
germyan!
ey ew zamey ke hergîz sařêj nabêtewe!
ey ew tawse řeşpoşey ke têlekanî xot
le berîntirîn gułdanî be sutmak kirawî çawmanda da’enêy.
ew wextey to bûmelerze bûy,
deverekanî dîkem xewnyan be bûmelerzewe ebînî
ew demey to sirûdî agirdan û
pirîşkî xwên û diłdarî sengere xołînekan bûy
ne kwêstan fêrî şimşał lêdanî tavge û
ne berdîş fêrî zimanî ziryan bûbû.
to le řawedunanî mirdind, serdeqşikênî tirs bûy.
le zemawendî qurbanîyekanda, to yekemîn şayît kird û
le lêdanî dergay hetawîşda to yekemîn dest û
le textayîy karesatîşda
to dirêjtirîn şemendeferî kosthełgrî ême bûy.
hîç perde û şûre û şaxê birînekanit naşarêtewe
to wek ḧeqîqet řûtuqutî û
hemû endamêkî cestey peyv û hawar û řazêkit
çun siruşt û çun xuda û çun enfalekan
wan bederewe!
nałey asot û pûkepûkî pelkegyat
lawandinewey xakuxołit, le şî’rî tengeberî minda
cêgeyan nabêtewe.
bałay agirekanit û bejnî giryanekanit û
tûlanîy şewnamey çîroke cwanemergekanit
sed qat beser şî’re kurtebałakanî minda eşkênewe!
min hemû carê le kiławřojney birînêkî «ḧemeřeş»ewe
kiłafeyek şî’ir û
le tirawîlkey çawe tînwekanî «mela eḧmed»ewe
kanîyek wire û
le bonî giłî «baweşaswar»yişewe
miştê le bon û beramey azadî wer’egirim û
têkełî yekyan ekem û dwatir tancîke enfalêkyan
lê dirust ekem û eykeme serit.
ey xudaye! zimanî gîrawim berde û ew zimane
nwêyem pê bibexşe ke be lûze û çun bangî xot,
çun lirfey nûr, çun dařjanî pirşing
biřjête dîwanmewe, her bo ewey
qerzêkî biçûkî enfal bidemewe!.
ey xudaye! minîş řojane cênîştey eşkewtekey
«darî xile»m û şa’îrim û sûretî şî’rêkî wek
germyanî nemirim bo binêre xwarewe!
min çî le zimanê bikem, negate ejnoy mindałêkî enfal.
min çî le şî’rê bikem, destî negate pirçî kîjêkî enfal.
min çî le qełemê bikem, henase swar û hergîz negate
sêberî ser û milî syamendêkî dway enfal.
eweta be pencey zarokêkî enfal
estûrtirîn şî’irim enuştêtewe.
be serincî jinêkî dûgyaney enfal
kêwî pexşanêkim etwêtewe.
be henasey kiçêkî naw çingî enfal
pûşûm û eçim be asmanda û egeme lat, xudaye!
germyan! ew satey dême naw girjebatewe û
ser enêm be cexartewe, be gêjełûkey zirîketewe
min îtir ebme defî dest hewrêkî nizmî ser
«kifrî»t û ełławeysîm lê eçořêtewe. ew demey
belay pełe xemêkta tê’epeřim û girdołkeyekî esmerit
be ser siławêkim lê eka, min îtir lecêy xoy
ebme bêşkeyekî cêmawî enfal, ew wextey
berayîy xorinşînit le êware bêdengekanda be řengêkî
erxewanîy kał sertapam eka be guł henar, min îtir
ebim be pepûleyekî ałî mitî bał cûtkirdûy ser
pêłûy ’aşiqêkî enfal!.
dewr ekatewe espe řeşî şî’irim û
çepokanêtî şepolî avzînî sîrwan!
merg tozî lê heł’esê û berew xware karwanseray
çira giryawekanî enfal!.
le wêstige temawîyekanî dûre wiłatîşda
ke bilûrî gyanim be yadekanit hełmawî ebû
tom leser enûsî, germyan!
leberdem peykerî biřonzîy «poşkîn» û lepał
bała xwênawîyekey «lorkaPerson»da û le penagwêy nîrodawe
serguzşite û henasekanî tom egêřayewe, germyan!
le «sitokhołimLocation»řeşeřêḧaney şî’irim bûyt û
dawmî le qijî dûrgekan.
le parîsLocationda henasekanî tom pêşkeşî «îlwar» kird û
le berlînLocationda axekanî tom be «gotePerson» hełkêşa û
le moskoLocation çîrokî sûtanî tom bo «çîxofPerson» gêřayewe û
le kenarî oqyanûsî aram kirdimît be şepolî narincî û
le lendenLocationyiş damîte dest mangeşewêkî «bayron» û
leser peřey gułe řeşekanî «bodlêrPerson» nûsîmîtewe
leser tirîfe û leser danûb û
leser goranî û koç û leser bałî fiřokekan
naweketim hełkend û
le dwayîşda bo dozexekey řambo
dozexekey tom gêřayewe û dozex girya û
řambo girya û şî’rîş girya!. germyan!
le tem tûmanî koçewe bo tem tûmanî koçêkî tir û
lem hewrewe bo ew hewr, wa carêkî dîş
beser xołemêşta dařjamewe, germyan!.
bełam to her zayełey be nûkenûkî gił nebûy.
to her lawandinewey gułehêro û kiřûzanewey biniçk û
giryanî gijugya û honhon firmêskî řeşmał û mamzêkî
’embar û hełbestêkî na’umêd û payîzêkî ejnoşkaw nebûy.
to her tabûtî dirêjî xoretaw û, bałindeyekî doşdamawî
bêdeng nebûy, to her deştî pirse û
mangeşewî wirduxaş û
şořebîyekî bêwejnî tenya nebûy
to hestanewey heres û hełsanewey berdî elḧed û
řwandinewey werîn û geşanewey hełqirçaw bûy.
to hatnewey «şemPerson» û geřanewey
«salimPerson» û xułqandinewey «perîxanPerson» bûy
deştî xwêne azakan û gułe řewendekan û
mamzî bałgirtûy efsane û dastan bûy.
dewr ekatewe, espe řeşî şî’irim û
simkołan eka, berdî yaxîm û
şewî xwênim lem mełbendeda bote çiraxan!.
min hemû qume şî’rêkit be lêwî serabî enfal
pîroz ekem û hemû denke genmêkî semelî gerdinit
be baranî řûnakîy cestem pîroz ekem û etkemewe
be xewnî darsinewberêkî temen çwardesał!.
min çî ezanim cige le ewînî to û
min çî ezanim cige le bahozî to û
min çî ezanim cige lewey şî’ir bikem
be cwanûy meraqî ber dewarî to!
deverêk le qîje û
řûbarêk le şîwen û
pêdeştê le firmêsk û
wêraneyek le kazîwey kujraw!.
dêmewe lat!
em hewa xinkawet heł’emjimewe, ta le zarmewe
tałeqij û awêne û şane û mutumûrû řo kemewe ser
peře kaẍezî le çaweřwanîda sipîy hełgeřaw!.
baweşt bigrerewe
bo gułe xewnî hełpiçuřkaw û beramey sûtaw.
baweşt bigrerewe, bo řiste pepûley ḧerfekanim û
baweşt bigrerewe, bo kêjenî serim û
bo hełweday şipirzeyîy pertipertî çawim û
baweşt bikerewe!.
bo têkałanî dû cestey gunah û nwêjî
le yekdî dabřaw!.
dêmewe lat, bêzarîm biřîwe û tenyayîm
tey kirdiwe û namoyîm dawe be kołma û
dêmewe lat, miştêk le quřit û miştêk
le henaset û miştêk le qiset, çerdeyek
le kost û çingê le şewt û çepkêk le dengit û
şarayek le kispet
cestemin, bo êsta û
pilîken bo lay xwa û
le şî’rî fiřîwma, serincî awêten!
wişey taze lem ’erdeda edozmewe.
wişey taze peřîwnete jêr azar û
jêr enfal û naw çałekanî mergewe
zeynî taze, řwanînî nwê, çawî sibey, lem ’erdeda edozmewe.
ew temane leber ekem.
ew asoye epşikinim.
ew řejuwe heł’egirim û
ew meraqe řeştałane
řûnak řûnak ekemewe.
min şî’rî nwê lem deşteda edozmewe:
le gîrfanî dirextêkda, le berokî agirêkda,
le şwênewarî axêkda, le kiławî becêmawî mindałêkda,
le lankołey zerdexeney giłimtikêkda
le desmałî ser peykuł û tûtřikêkda
min şî’rî nwê lem mergeda edozmewe
lem weyşûme çiřaneda, etdozmewe ey ’eşqî nwê!
to piřşingit lê eřjê û
êste teřim be xorî to.
to haławî dabřanit lê heł’esê û
min kenarî xorinşînim û twêjał twêjał
zerdey maławayîy dwayî û
hełebceyek be henasey nalîyewe
lêm enîşê.
em pêdeştî henasane řûten nîn û
janekanî em seḧraye qet çoł nabin!
hemû daristanekanî ’eşqî ême û
hemû bêşekanî giryey ême û
çiřistanî bałay şew û bałay jin û
qirîşkekan lem şwêneda çiř bûnewe.
her lêreyşda xaçekanman sikuzay xoyan eken û
lem asteda xwênekan
çirakanî xoyan heł’eken û
lem asteda mirduwekanman řîz ebestin û
kostekanman geme eken û jaweyan dê.
em pêdeştî henasane řûten nîn û
janekanî em seḧraye qet çoł nabin.
şeqamî gułestêrey şî’rekan bêreda řet ebin.
koşke bilûrînekanî mosîqa lêrewe berz ebnewe.
mozexanekanî serbazî win, jinî win, mindałîy win,
’aşiqî win û pêẍemberî win lem deştedaye.
şarî gewre em zameye.
gewretrîn parkî gułe koçerîyekan her lêreye.
dengedengî sîne û memk û nûzenûzî pencekan û
qîjeqîjî pirçekan û herawzenay řojî ḧeşir lem deşte bû.
lem deşteda xwawend girya û
lem deşteda mêjû serumlî lê becêma û
lem deşteda bo yekem car le ḧejmeta zeman westa û
her lêreda asman berew xwar dabezî û
pûşûy hawar hemûy sûta.
em pêdeştî henasane řûten nîn û
janekanî em seḧraye qet çoł nabin.
gwêyek binê bem xołewe, çî nabîsî?
çawê binê bem şewewe, çî nabînî?
em pêdeşte begřeye û em jîlemoy xołistane
em berayî xemistane, çi kiłpeyekî tya zawe?!
dařjanî merge û dařjanî şî’ir û dařjanî řoḧ!