çawekem xo min birîndarî xedengî çawî tom
From the Book:
Dîwanî Kurdî
By:
Kurdi (1809-1850)
1 minutes
906 views
çawekem! xo min birîndarî xedengî çawî tom
zar û bîmar û giriftarî kemend û dawî tom
wêł û sergerdan û xar û ’aciz û aşufte ḧał
dił be tałan çûy supay kakołî têk aławî tom
ger depirsî dad û giryan û fuẍanim boçîye
řaste bawik mirde nîm emma ciger sûtawî tom
sed ke to fîkirî esîrî xot nîye emma emin
xo dezanî çunke řoj bê xurd û şew bê xawî tom
min le ber pîrî qedim xem nebuwe er baweř dekey
qed xemîdey qamet û bałay wekû lawlawî tom
qatłî min kes nîye buxtanî naḧeq boç bikem
min şehîdî xencerî mujganî taze sawî tom
her kese ’ebid û murîdî muřşîdêke sa emin
her wekû hîcrîPen name murîd û gyan fîday hemnawî tom