keł

le her kwêwe biřwanîte pardey qeła
her qełaye
le kam lawe ser hełbiřî
gułebeřojey çawî ew etbînêt û
hengaw hengaw legełtaye.
kê etwanê xoy le nîgay berze tîşkî
hełgurd win ka?!
kê etwanê befir û baran le zistan û
guł le nîsan qedeẍe ka?!
etwanin hewrêk bikujin.
xwênî şillêrêk biřêjin.
etwanin destî dargiwêzê bibřinewe
qaçî kitêbê bişkênin
çwarmêxey şî’rê bikêşin.
bełam şî’rê ḧîley espêkî řesen bê
şî’rê bijî û
bon û beramey qełemî řastî lê bê
hewrê bizê û kuř û kiçî
řehêłey asmanî bibê
hergîz bewan dirust nabê.
le derûnî ehremenda guł napşikiwê.
leser tewrî celladekan
kotrî huner hełnanîşê
leser kursîy sułtanekan
dadperwerîy dananîşê.
çon le çałe xełûzanda
hêroy sipî ser derdênê
çon bayeqûş bo aram û diłnyayîy
dirext û řûbar exwênê?!
ewey hergîz
hergîz, hergîz
denûkî dałekerxorey be’sîyan û
tûlemare ser sipîyekanî mizgewtî
melay xetê
qet naygenê
řegî dargiwêzî jyanî em geleye
hewretrîşqey senger û
qełay sûrî
hezaran «’ebdulxalqPerson»y pêşmergeye.
* * *
em kurdistane, kwanuwe
kełe pişkoy qet lê nabřê
ger pengirî hawarêkî ew damirkê
deyan pence û qełemî tir
agir egrê!
ey dujminanî řûnakî!
heta dwênê ’ebdulxalqPerson çirayek bû
çend şeqamê leser seryan hełyan’ekird
kitêbê bû
yek dû şarê eyxiwêndewe.
bełam emřo ’ebdulxalq
şeqam nîye
dê û şar nîye
řêbwar nîye
guł’estêrey zamî ewî
le sing û berok nedabê
małê nîye lem wiłate ẍemgîneda
řêy małî wişey nezanê.
îste hemû kurdistanim
wekû çawekanî qeła
be kitêbe xwênawîyekey
nîsanî ewa eřwanê
* * *
mîrî şehîdanî hewlêrLocation!
ey ḧeyranî sûtemerwî
birîn bigêř!
ey hawřêy behre řengîn.
guł xenderanî pêkenîn.
le hewarî qendîlekey naw diłmana
sinewberî çwar werz sewzî.
to sirwekey serî řeşî.
to entênî here berzî
ser çyay îzgey şořşî
to biłindigoy
dengidanewey diłî êmey
řadyoy naw destî pêşmergey
ew řîkordey
hemû řojê sirûdekey
şořşî nwêman lê edey
peyta, peyta
agirdanî pişkoy xot û
newey pişkoy em kurdistane
xoş ekey!