řołey bê dayk
From the Book:
Siruşt û Derûn
By:
Goran (1904-1962)
1 minutes
2048 views
ne ax le sîneda exwatewe peng,
ne firmêsk etwanê biřjê be bê deng
ne ziman ewestê leme zyatir,
ne qełem wek laşey mirdûy sard û siř
ne fam le cêgay xoy emênê, ne hoş;
dîmenê min bînîm berd dênête coş
kê daykê etwanê bênête berçaw,
be mergî taqaney cergî hełqirçaw,
damabê le deştê; hawarî be kes
nega hîç, her xoy bê û meytî kuřî û bes!
a, seyrî dîmenî weha karîger
kam wîcdan nadate ber nûkî neşter?!
bełam ax, ewey min dîm bem dû çawe
meynetêkî sûke emey belawe:
nek daykî kuřmirdû, dîm korpey sawa
lay meytî daykya, firmêsk le çawa,
kewtibû be bê şîr, bê lawanewe,
naw cergî însanî eçûzanewe!