hengawî serincim

legeł hengawî serinca, be ser şeqamî dêřî naw
tomarî şarî mêjûda
benaw kelawey lapeřey
çołuhołî řabûrduwa
legeł espî bêcłewî swar mirdûda
geřamewe berew dwawe bo dûr řoştim
be peyjey xewa serkewtim
ta be peykerî tarmayîy jêr sêberî
şanazîy nexoş geyştim:
sełaḧedîn,
ew xencerey le hełmetî daweşana
leser diłî kêlanekey xoy hełçeqî
goy memkî daykî xoy biřîy
ew hełoyey le serabî lima xinka
ew beyaxey řengî sûrî:
be ser řûzerdîya tika
sełaḧedîn,
agirê bû leser lûtke kirayewe û
le zeryada kujayewe.
hetawê bû, leser befir ledayk bû
bełam lenaw çingî giřey
seḧray dozexa twayewe!