bo barzanî

xoşman ewêy
beqed řiqî şimşêrî naw çawî ewan
xoşman ewêy.
beqed pîtî dax le diłî naw řojname
zerdekanî ewsa û emřo, xoşman ewêy.
beqed kîney gulle top û
kwêre bombay fiřokeyan, xoşman ewêy.
beqed bêşełanî buẍzî serî sungî
supakanyan, xoşman ewêy.
beqed nałey teqînewey «tî, ên, tî» naw
cantakanyan, xoşman ewêy.
beqed dawî pîlanî jêr mêzer û cibbey pêraryan,
xoşman ewêy.
beqed ... beqed
jimarey çawî casûsî ser û xwar û
řojhełat û řojawayan, xoşman ewêy
çendyan «naweket» xoş nawê, xoşman ewêy
emanewêy
wek gulle bo çekekanman, emanewêy.
wek çek bo pêşmergekanman, emanewêy.
wekû pêşmerge bo kej û kêwekanman, emanewêy.
wek baran bo kêłgekanman
emanewêy.
her bo «merg»e namanewêy,
ey barzanî!xoşim ewêy!
ewendey birsîy nanî xoş ewê.
ewendey tînû awî xoş ewê, xoşim ewêy
xoşim wîstî
le katêka, qełemekem
be geřekî řistekanma řaw’enra
xoşim wîstî, le řojêka be nîweřo,
xoşewîstît le şeqamî şarekema, ser’ebřiřa.
le řojêka kasey serim be diruşme
řeşekana, heł’ewasra.
le katêka, qisekanim lenaw demma des beser bûn.
xoşim wîstî le şewêka be nîweşew
xoşewîstît, qedeẍe bû.
nawhênanit pişkoyek bû zimanî şî’rî tazemî
pê dax ekira.
xoşim wîstî le katêka xoşewîstîm
xermanê bû, esûtênra
sûtanê bû, esûtênra.le katêka kitêbxaney çawekanim epişkinra
bot egeřan, bînîyanî:
çîrokêkî demawdem lûtkey şaxekan etgêřnewe.
liqupopî dirextekan be goranîy etłênewe.
bînîyanî:
tabloyekît giř etkêşê û xaneqînLocation etka be singî
kerkûkLocationewe.
bînîyanî, lenaw çawî minałanî gundekana, bînîyanî
le řeşebay herdekana, bînîyanî
le lafawî çemekana, bînîyanî.
ey barzanîy!ey barzanîy legełtayn çon binar legeł,
lûtkedaye.
legełtayn çon çawit legeł serinictaye.
henaset legeł sîytaye.
dengit legeł gerûtaye.
legełtayn çon xencereket legełtaye
ey barzanî!