seba heste le xew newroz wa hat
From the Book:
Dîwanî Zarî
By:
Zari (1905-1982)
1 minutes
585 views
seba heste le xew newroz wa hat
biłê ba leşkirî zistan biřwat
bese cewr û cefay behmen û dey
le dił sebir û le ten xo gyan derhat
be sermana kiřêwey befir ta key
bidat û dabpoşê şar û dêhat
heta key tem berî xurşîd bigrê
le řûnakî berî bin herd û baẍat
çemen çaweřwanî toye zû bî
bizanê çon biřazêto û çi bikat
le damanî çya û gułistana
çi corê feřşî řengawřeng řaxat
çilon amade bê bo hatnî guł
ke ward bû çi bergêkî leber kat
be řawêjit minałî ẍunçe gułbin
le baweşda çi corê perwerş dat
were ba dewrî em boran û serma
dwayî bê yexey gułzar berdat
heta key gurgî em zistane şûme
le koza berx biřfênêt û bixiwat
le bendîxane, key derdê gułałe?
îlahî ta biga bulbul be awat
be awî şewnimit pêwîste sewze
ser û zulf û dem û çawêk bişwat
seba bê, dêre, nazanî ke «zarîPen name»
le cewrî behmen û dey çî beser hat?