ey weten emřo behare seyrî kwêstanit ekem
From the Book:
Dîwanî Zarî
By:
Zari (1905-1982)
2 minutes
665 views
ey weten emřo behare seyrî kwêstanit ekem
seyrî sewzey mêrg û baẍat û bêstanit ekem
seyrî deştî piř guł û nesrîn û řêḧanit ekem
seyrî polî lawekanî şar û dêkanit ekem
ewne xoşî ey weten wa xo be qurbanit ekem
xak û xaşakit mîsalî surme bo çawî mine
her ewe, mayey ḧeyatî řoḧî fewtawî mine
sîlsîley şewqit hetakû mirdinim dawî mine
yanîha ḧubbî eto hem nan û hem awî mine
ta bimênim her temenna bo ebed manit ekem
ẍunçekanit xwa bika bê xarî zeḧmet bêne der
baẍî awatî min û to her dû pêko bêne ber
to legeł meqsûdî xota des le mił bî bê xeter
min legeł aramî diłda pêkewe şew ta seḧer
wa le çawî bed ḧewałey ḧîfzî yezdanit ekem
ey weten to mîslî şîrînî emin ferhadPersony tom
yadgarî kawePerson û firzendî feřuxzadî tom
çunke perwerde be şîrî memkî îstî’dadî tom
ḧazirim bo xizmetit ta hem ke min ewladî tom
xizmetêkî wa ke gyanî xo fîday gyanit ekem
ey weten ser hełbiře řojî umêdit wa hełat
hateder zincîrekanî zułim û wêranî le pat
bo necatî to le gêjawî peşêwî mujde hat
řołekanî to le fezlî barî exwazin beqat
řoj û şew emnîş du’ay tewfîqî lawanit ekem
bedfeře herkes ke meylî awedanî to neka
pasî aw û xak û behrey nîştimanî xo neka
tênekoşêt û temî negbet leser to laneba
dewłet û gyan û serî bo řestigarî to neda
min ke «zarîPen name»m gyanî şîrînim be qurbanit ekem