lem xakî lalezare ewndey nezer ekem
derdeł le bê řeḧmî payz
From the Book:
Dîwanî Zarî
By:
Zari (1905-1982)
2 minutes
348 views
lem xakî lalezare ewndey nezer ekem
le lêwî cogey aw û çemenda sefer ekem
her wek hetîwî bêkes û mil xware dîmenî
be her dere û deşt û çyada guzer ekem
jakawî cewrî payzî bê řeḧme polî guł
baẍat le afat piřh derkî xeter ekem
bê zewqe bulbul, bê řeng û boye guł
şîwen be ḧałî gułbunanî quř beser ekem
ser çawe swêrin wekû firmêskî emin
bo ẍaretî gułzare ke şîn û çemer ekem
şêwey zuḧakî payîze nałanî gułistan
wek mîhir û abanîş le qehrî ḧezer ekem
em derdî gêjełûke feramoş çon ebê
em janî gełařêze key le kelle der ekem
deway derdî bulbulî nakam û gułbunan
dawa le řeḧmetî yezdanî dadger ekem
çarey heway serdî derdinakî azerî
be ahî awrînî henasey seḧer ekem
key dê beharî xoş bih sara bida xeber
ha dêwî zimheřîr ḧewałey seqer ekem
key dê şemałî tûře be heybet biłê emin
ya terkî cewrî mîhir we ya terkî ser ekem
newroz beřêweye bang ekat piř be dem
em sebzezare řûte lîbasî leber ekem
le daxî cewrî payzî namîhirbane «zaryaPen name»
em xak û xołe řeng be xwênî ciger ekem