name bo diłdar
From the Book:
Çepkê Guɫ û Xunçe
By:
Ali Aref Agha (1910-1996)
1 minutes
490 views
biray karwançî biray karwançî
pêm biłê tuxwa bo kam şar eçî
řû be şarekey cwanîy yar eçî
bo herkiwê eçî agadarim ke
namem bo bere le ẍem çarim ke
biray beřêzim serokî karwan
agadarit bê yezdan le řêwban
qet danemênî nebî diłgiran
bełkû namekem bidey be diłdar
du’at bo ekem řojî hezar car
eger yar namey minî xwêndewe
minî be yad kird dem be xendewe
siławî toşî cwan sendewe
umêdewarim binûsê wełam
bîdate des to gelêk betemam
ejîm hemîşe bew temayewe
heta dêytewe to lewlayewe
şadîm pî edrê lay ew xwayewe
ke namet hêna be xêr û xoşî
deyxiwênmewe zor beperoşî
pêşkeşt ekem xêra mijdane
řêzit exeme ser em çawane
ew name bo min hîway jyane
îtir oẍir ke xwa bitparêzê
diłit le řencî sefer ebînrê
namey yar ke wa be ’aşiq egat
řêgay jyanî bo řoşin ekat
keme ger řoḧî bika be xełat
řoḧêk ke leřêy yar nefewtê
yaxwa be kiłpey agir bisûtê