daxî dił
şîwen bo namîq kemal
From the Book:
Dîwanî Goran
By:
Goran (1904-1962)
2 minutes
994 views
le turkîy dîwanî hełbestî koç kirdû «emîn feyzî begPerson» «şi’a’atNamed-Entity»ewe kirawe be kurdî.
ey miruwet pîşe, ey saḧîb hîmem!
qedrî fezłî to ezanin gişt umem
xadîmî amalî mîllet bûy be dił,
saḧîbî bê bakî hîmmet bûy be dil
feylesûfî řojhełatî ’esir bûy,
řast le ’îlma to ferîdî dehir bûy
lefzî pexşanit hemû sîḧrî ḧełał,
nezmî şî’irit řişteyî yaqûtî ał
koşşî to bû pesendî lay xuda
to be yaranî nebît kird îqtîda...
hewłî to bû pasî namûsî gelit
mergî toye barî me’yûsîy gelit
çen befîřo çûy le dest dostî guzîn
xełkî paş to beşyetî giryan û şîn...
bû be daẍî dił giřî hîcraneket,
baqîye bo řaberî wîcdaneket
daxekem, sed daxekem, ḧukmî qeza
mercî her yek merce: teslîm û řeza!
ey felek! boç ehlî ẍîret pest ekey?
cehil û bîd’et boç heta dê xest ekey?
boye ehlî feził û hîmmet, xas û ’am,
metłebî zilyan: le çerxe întîqam!
daxekem emma ke dêne ser xebat,
her yekey zû ebne qoçêkî wiłat!
dujminî em serdemey em ’alemem,
tif le çerxî û tif le eḧkamî ekem!