çî le xakdaye
From the Book:
Baxçey Kurdistan
By:
Qani (1898-1965)
2 minutes
697 views
biray nîştimanî to xwêndewarî
supas bo yezdan ziring û huşyarî
em xake ke toy hênaye kaye
em xake bo to bû be des maye
em xake bêşkey qaremanane
em xake perdey şihryarane
em xake laşey lawî xwên germe
em xake endam kiçî piř şerme
nergis û şewbo û wenewşew û şespeř
pelkey kiçane lexak dête der
mêwey ser zewî boye şîrîne
şîrînî nuktey witar řengîne
sipî çinaran wa berz û çakin
nimûney bałay gencî jêr xakin
řastî serwekan pêt biłêm çonin?
teb’î mewzûnî şa’rî konin
ew gułałe sûre beser yałewe
elerê bedem bay şemałewe
ewe ser gonay nîmçe ẍezałe
ya lîmoy wêney dû lîmoy kałe
her darêk êste ke zor berdare
bizane laşey pyawî hoşyare
yaxo ew mare ke zehrawye
şîne ya řeşe, bore, mawye
ewane laşey ḧeramzadanin
bêgane perest zołî nîştimanin
yaxo diřnine ademîzad xor
şêr û wirç û gurg le kem ta be zor
ewane beşî xełqyan xwarduwe
her be beş xorî řayan bwarduwe
ḧeyfe lem dewre bo naz û ni’met
bo dewrey dûhem xot bixeyte zeḧmet