xetay bê mektebî û bê ’irfanîye
From the Book:
Baxçey Kurdistan
By:
Qani (1898-1965)
1 minutes
466 views
barî negbet ta be key lem cadeyî ’uryanîye?
bo hemû kes em zemane nubetî însanîye
ẍîretî kurdî nemênê wa nema qedrî weten
kê firoştî małî babî qet be em herzanîye?
çawgekey xakî weten piř bû le zîxî muẍirzî
ba be qennatî sidaqet der bideyn em kanîye
bîrkeno bo xatrî cemşîd û eyûbî welî
boçî des hełnagirin lem bê ser û samanîye
herkesê bo xoy becarê bû be pyaw û hate řîz
ême pestîn gişt xetay bê mekteb û ’îrfanîye
fikirî kurdî înḧisarî dû şite û hîçêkî tir
ya kerî pyawî nefame ya xerîk şeytanîye
qani’îPen name her wextê emrê hîç nexoşînî nîye
ẍeyrî zûxawî nezanî û werhemî kurdanîye