ebul’elay me’eřî
From the Book:
Baxçey Kurdistan
By:
Qani (1898-1965)
1 minutes
756 views
bîstim bul’ela ta dinyay řabward
le kem ta bezor hîç goştî nexward
çun eyut ewîş wek min gyandare
ḧez le jîn eka le merg bêzare
wextê ke kewte ḧałetî mirdin
řojî sere merg gyan teslîm kirdin
ḧekîm boy nwan goştî sûro bû
bîdenê bîxwa herwa zûbezû
be emrî ḧekîm xizmetkar řay kird
kełeşêrêkî hêna des û bird
sûrî kirdewe lepałya dayna
qisey ḧekîmî çak becê hêna
wextê bul’ela ke temaşay kird
le dax kełeşêr betewawî mird
řwanî be goşta û zar zar be giryan
ahî ekêşa le cergî buryan
witî ey feqîr boçî har nebûy?
ya her wekû şêr ya řeşmar nebûy?
ta kes newêrî dest bo bênê
ya lenaw řona hełt qirçênê
bełam beş hejar tenha mirdine
dewłemend le xoy řazî kirdine
mirdin le ezel bo pyawî feqîr
biřa be bałay wek keway ḧerîr
dewłemen emrê emma yekcare
mirdinî hejar subiḧ û êware