kerî dû teneke bay
From the Book:
Baxçey Kurdistan
By:
Qani (1898-1965)
3 minutes
1168 views
mamostay diłsoz melay şanewer
selam ’elîk yarî piř huner
dû teneke bayî mêye ya nêre
cilêkî lêke û zû bom binêre
er fêre biłê ba neseřênê
kerî dirawsê dernepeřênê
çwar nałe neka le naw deẍił û dan
xoy biparêzê le lês û lêdan
nesûřêtewe em mał bo ew mał
kołane û kołan bo maker be fał
gurîs nepçiřê û bida be herda
gurgî zû bîxwa û boy bem beserda
temayer nebê ka binête dem
co be xew bînê le zor ta bekem
xeyał nał neka be řûy dinyawe
nał bend nabînê hetakû mawe
gileyî kopan neka le lay min
nemxate geřan lay dos û dujmin
bo aw xwardinewe emye bo danê
kes men’î neka heta etwanê
çun çemî «çeqan» le dergay małe
awêkî zor û řûn û zełałe
çûnke ew gewre kerî melaye
me’lûm ke melay, kerî dinyaye
bełam mamosta aman sed aman
bo řojû nełê tenha řemezan
ebê dwazde mang her be řojû bê
cejnî tya neka dêr bê ya zû bê
bo nîyet hênan zorî pê nakeyn
çûn le aw zyatir hîçî pê nadeyn
pêy biłê eger biçête zyan
kilk û گûێێ ebiřn be sehil û asan
eger bem core ew esaçênê
ta behar řoj de bar dar bênê
jinî bo dênim kewtime behar
boy dirûs ekem kopan û hewsar
eger mêçkeyşe ba beḧeya bê
le nêrekeran tozê cyabê
dawênî ḧeya ber neda le des
kilk berzo neka bo kerî hîç kes
nezer dûrawdûr zererî nîye
çûn çaw nagîrê desełat çîye?
temayer nebê zeng bikate mil
ya gonîye şiřê boy bikirê be cil
serfî nezer ka le hemû xwardin
gewř nabînê ta řojî mirdin
min xom cêm nîye tya binûm şewê
gewřî ewm, çon dest ekewê?
nełê le serma nîye qerarê
be qisey teqwîm kem befir ebarê
çûnke cêgeman zor kwêsan nîye
jêr bine pasar xirapî çîye?
hoşî be xoy bê şêxanî kewlus
boxtan řêk exen bo bêgane û dos
nesûřêtewe lem dîw bo ew dîw
xoy biparêzê le hetîw metîw
eger bem core řazî ebê pêm
le qisem der naçê herçî min ełêm
wa ey dem be şû be qedir û ḧurmet
necatî edem le derd û zeḧmet