cutyar û gacutekey
From the Book:
Çwarbaxî Pêncwên
By:
Qani (1898-1965)
2 minutes
664 views
ga řeş nûrî bînayîm
ey komekî tenyayîm
çawî řûnî jyanim
des mayeyî berg û nanim
piştîwanî minałim
hêzî demarî bałim
řagîrkerî xêzanî
řûsûrî lay mîwanî
fexrî mizgewt û małim
mekîney kişt û kałim
gařeş wa serî sałe
wadey nanî minałe
kam mêrgî piř le zele?
derî bênîyn bo xele
be çing be paç be gasin
hełî kenîn heta bin
bełkû wekû par ejîn
emsał lepar çatir bîn
bo to bo min ey gacût
řa’ebwêrîn birsî û řût
ne min pîr û ne to pîr
bo to lat û min zwîr
le to serim sûřmawe
çîye wa lêt qewmawe?
ne to ewêsî ne min
leber çaw dos û dujmin
keçî hîç dyar nîye
çîye em sîḧre çîye?
***
weramî gacut
mam simayl cûtyarim
řefêqî kohsarim
to şit zor peyda ekey
be hîç lenawî ebey
ba wecûd xetat nîye
destełatî to çîye?
nek to bełkû hemû kes
şitî zortir dête des
bełam erkî girane
emeş xetay zemane
laye şekir laye ça
beşî şêx beşî mela
tapoy aẍa ḧeqî şwan
şertî xadim û gawan
muçey gizîr û serkar
beşî qołçî qerax şar
xo dayerey....Missing k
giskî lê eda serpak
katê polîs dête dê
îşê bika cêbecê
sed sał biłêy co nîye
nabîsê, sûdî çîye?
ke bang eka hay tirê
minał wexte boy bimrê
beş selemî paredar
ke eykey heweł behar
řatoy feqê û şel û kwêr
nanî mîwanî bê xêr
herçî lemane zyade
bedes dizo berbade
waye jyanî sałit
boye řûte minałit
ew řence ke min eydem
ewî min peyday ekem
eger giştî boxot bê
îşt eka cêbecê