tobekirdin
From the Book:
Şaxî Hewraman
By:
Qani (1898-1965)
3 minutes
1002 views
wa pyawê ’umrî çuwe ḧefta sał
bê têgeyştin bê ’eqił û kemał
çakey nekirduwe xêrî nekirduwe
qesemî beřast hergîz nexwarduwe
nazanê îman çone û çon nîye
beheşt çilone û cehennem çîye
nazanê esił û fer’î dîn kame
kê cûlekeye ya kê îslame
wextê ke pîr bû qwetî nema
şerîkî dizî, şerîkî naka
egerçî caran be quwet buwe
koł hełgirtinî ledes derçuwe
dereqet hîç kes naye be zwan
ta cerdeyî ka wek carî caran
emca ezanê hîçî bo nakirê
emřo sozîyek xatir cem emrê
eřwa bo tekîyey şêxan bo tobe
sed hezar keřet tobe lew tobe
şêxîş çi şêxê, şêxî naw jinan
simêł xenawî serta pa cwan
bêfkir û bê bîr le kes nepirsê
nezan û řoḧ zil lexwa netirsê
ełê be kabra tobeket çak bê
pyawî tobekar ebê diłpak bê
xot bihawêje jêr beydaxî min
min etparêzim le dos û dujmin
řizqit zyad ekem kuřit pê edem
daxił be komeł beheştît ekem
bełam toş ebê mangê def’eyê
eger pêt nakirê çil şew nobeyê
dyarîm bo bêne herçî etwanî
her şitê ke xot be çak eyzanî
xizmetî min key çake ta xêzan
xêzan legełta nayene dîwan
firyat ekewm le azarî qebir
necatit edem le řojî ḧeşir
emca em kabra hênde eḧmeqe
hetakû emrê koł kêşî xełqe
des şêx maç eka û dêtewe bo mał
lêy ko ebnewe řank û çoxe û şał
ya xołî merqed ya tîkeyek nan
dênêto bo naw kořî murîdan
le sayey şêxa herçî ebînê
lenaw xêrana yek yek eyxiwênê
ełbet ey xełke şêx çende cwane
ḧeme yał le mil lifke le şane
çen nerim û şile destî cwanî
hezar maşałłay le naw çawanî
keway gironî sełtey taqim dar
çetfey melîkî kêş û kiław lar
xencerî deban tewaw kałan zeř
serta pay bałay wek řêḧaney teř
ke legeł şêx jin danîşin le mał
şeytan kwêr eken be lifkey desmał
řûmet tun û toł çaw û biro řeş
řeng sûr û bo xoş wek gułałey geş
ke nwařî bo min şêxî bała berz
wek bêy řûy şetaw kewtime lerze lerz
lepaş nîw se’at hatmewe ser hoş
dyaryekem dana be diłêkî xoş
emca şêx fermûy murîdekey xom
bêne bizanim çît hênawe bom