yadî yekî ayar
From the Book:
Dwanî Şêrî Şehîd Osman Ozêrî
By:
Osman Ozeri (1936-1966)
2 minutes
340 views
ey çînî çekuş bedestan, êwe hêzêkî nemirin
êwen le naw mîlletana biłêse û giřî agirin
bo pêşxistin û yekxistin û serbestîy gel û nîştiman
êwen binçîney ew bîre, kewate hemû yek girin
***
êwen kewa her pêşřewî hemû çînekanî geln
berey dijî samandarî û cengperstanî çepełn
xebat eken bebê wiçan bo azadî û bo řizgarî
tê’ekoşin řanawestin leser pê û amřazî heln
***
emřoş ke yekî ayare, cejnî gişt kirêkarane
yadî sałî -heşta û şeş - û mergî gişt zordarane
yadî têkoşanî sext û nebezîn û kołnedane
yadî daway maf kirdin û dijî sermayedarane
***
yadî mergî hawřê «corc û ogist û odlisif fîşere»
yadî hawřê yasninz û řojî zułim û derdîsere
yadî xebate le dijî ew sermayedare gewre
ke ta îstaş bo gîrfanî mêmłî ajawe û şeře
***
emřo cejnî řastîtane ke be hêzî bazûy xotan
îspattan kird xawen mafin tê’ekoşin bebê kołdan
dertanxist bo hemû dunya pêşřewî gişt çînekanin
lenaw hemû çînekan û hemû gelanî řûy cîhan
***
kirêkaranî nebezî kurdistanî qet kołneder
legeł çînî zeḧmetkêş û cûtyaranî kurda ta ser
emsałîş wek hemû sałêk em cejne yad ekeynewe
hergîz dujminî beramber sermayedarêtî û xway şeř