ta dwa henasem
From the Book:
Dwanî Şêrî Şehîd Osman Ozêrî
By:
Osman Ozeri (1936-1966)
1 minutes
331 views
ew lêwey ke wek hengiwîne tamî jyanmî tyaye
ew kułmey cêgay nigîne amřazî gyanmî tyaye
ew çawaney ke xumare piř îlhamî yezdanîye
qîbley komełî diłdare, kangay tîrî mujganîye
ew nîşaney la řûmetit nîşaney hêzî peymane
zerdexeney ser řûy geşt tawanî diłî bûryane
hełmijînî henaseket gyanim ebûjênêtewe
xo derbiřînî řazeket xemim eřewênêtewe
jyanim bê to la jehre çunke toy hêzî jyanim
her toy bo min bûyte behre bo şî’ir û awatî gyanim
şerte takû dwa henasem peristinî to karim bê
ta emênê cûłe û tasem her gyanî to beşdarim bê