swênd exom
From the Book:
Dwanî Şêrî Şehîd Osman Ozêrî
By:
Osman Ozeri (1936-1966)
1 minutes
522 views
gyane wa şêt bûm le dûrîy çawit
bo şêwey şîrîn bałay lawlawit
sał û nîwêke min le to dûrim
hêşta nemdîwe şêwe û seławit
êsta perêşan bo zerdexenet
bo pêkenîn û witey şekkirawit
dêtewe bîrim řojanî pêşû
yecgar ew řojey kewtime dawit
şadîm nemawe wekû dêwane
telîle ekem be wişey nawit
řojî hezar car dił da’exurpê
yetewe yadim diłey cêmawit
hemîşe řengizerd şêwa û nexoş
cergim letlete bo řûy jakawit
hemû endamim twawe û bêhoş
çeşnî firmêskî wek baranawit
zûxaw le demim ber ebêtewe
ekêşê nexşey şêwey şêwawit
hetakû mirdin to qîblegamî
diłim nwêj ekat bo diłey parawit
paraw be xwênî xoşewîstîman
şayete gonay sûrhełgeřawit
swênd exom be xwa be dîdekanit
be qirçe û sozî cergî sûtawit
heta ew katey ser enême goř
hawřêy gyanîme diłey řencawit