be to çî
From the Book:
Çepkê Guɫ û Xunçe
By:
Ali Aref Agha (1910-1996)
1 minutes
540 views
ewa min xoş û şadanim be to çî
xerîkî bezim û seyranim be to çî
le baẍ û gułşena serbest û mestim
hewałî ẍem ke nazanim be to çî
legeł meyda legeł neydaye karim
ke duşmin wa be giryanim be to çî
be min yarî cwanim aşnaye
lelay dû řoje mîwanim be to çî
kemin estêrekey bextim biłinde
jyanim xoşe bê janim be to çî
le dinyada beheştim pê dirawe
dyare ehlî îmanim be to çî
le naxoşî le bêçarî terîkim
be şewqe şwên û nîşanim be to çî
biřo ey naḧezî nakes binałe
tinok naye le çawanim be to çî
qisey ew yare wek ayet wehaye
îtir bê bakî peymanim be to çî
nîye karim be diktor û be derman
ke maçî dem bê dermanim be to çî
lelam qanûn şitêkî bê wicûde
ke min bêbeş le tawanim be to çî
hemû dinya ke hî to bê be min çî
xezêney ’eşqe samanim be to çî