muswedeyî subḧî ezelî mûyî muḧemmed
From the Book:
Dîwanî Ḧemdî
By:
Hamdi (1876-1936)
7 minutes
1020 views
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
ew şameye cejnî sekeney erz û semawat
hełhat ke hîlalî xemî ebroyî muḧemmed
kasey serî kase xul eda mecmerî gerdûn
sermeste le neş’ey gułî xoş boyî muḧemmed
î’cazî dem û destî mesîḧa û kelîmî
herdû dem û dest kewtine bazûyî muḧemmed
meydanî cîhan tenge bebê wadîy meḧşer
bo berqî boraqî be tikapoyî muḧemmed
dernaçê nefes řojî zyaret le hewada
lahûtî ke dê hêrşî bo koyî muḧemmed
ew penceye deryayî wişk kird be îşaret
bo tuşne keçî carî buwe coyî muḧemmed
şaysteyî nûsîne le lewḧa witî hatîf
em metłe’eye sayqî bo sûyî muḧemmed
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
yek lem’eyî enware serapayî peyember
emsalî be sayeş nîye e’zayî peyember
dû çawî hełênawe felek wek meh û xurşîd
bo dîdenî dû nêrgisî şehlayî peyember
em erz û semaye sedefî beḧrî wicûde
bo duřřî yetîm gewherî yektayî peyember
tûbane çemî qametî tûba le qyama
bişnêtewe ew wexte ke bałayî peyember
esrare eme dujminî hergîz nedebû têr
deykird be hemû ’umrî temaşayî peyember
derdênê hezarî wekû adem le cînana
řuxsarî genmigûnî museffayî peyember
em xełqe xwa boye deka sewqî me’asî
ta derbikewê qedrî temennayî peyember
enguştî numay xatemîye fexrî řîsalet
necmî ketîfî morî muḧeşşayî peyember
hatîf dełê bem şî’re deken ’alemî bała
tewsîfî celalî řuxî zîbayî peyember
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
wirya be qełem basî ebûbekirî sedîqe
îmanî ke deryayekî bê ḧedid û ’emîqe
gułzarî sefabexşî dû dinyaye dyanet
siddîqe ke lew gułşeneda turfe ḧedîqe
pîrêkî cwan merde le tesdîqî nebîda
ew ’aşiqe bew ’eşqe biłên ’eşqî ḧeqîqe
bazařî qyame ke bika weznî ’eyarî
duřřî yemene le’lî bedexşane ’eqîqe
paş řeḧmî xwa û lutfî nebî xase umêdim
bew kamîleye řacîye exlaqî şefîqe
mu’mîn ke emaney heye bakî çîye axir
ger qebre eger weyle eger narî ḧerîqe
fermanberî pêẍembere bo ordûyî îslam
ye’nî ke muşîre ew û em xase ferîqe
her kes ke nebê baweřî bem sadîqe pîre
sed def’e eger ehlî terîqet bê terîqe
wazîḧ dełê em şî’re ewaney leberîken
bo pirdî sîřat besye lecêy emir û wesîqe
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
ey xame le řûta wereqit ’eynî super ke
řakêşe îtir şîrî ziman basî ’umer ke
bê perde bide bangî bîlalane ke ’umer
merdane lesermane le dił def’î xeter ke
te’rîfî cewadî kefî farûqî dekey to
sefḧe le qise wek tebeqî piř le guher ke
çaw hełbiře binwaře le afatî ’edłida
miqyasî le xurşîdî direxşan û qemer ke
binwařere em xarîqeye munkîrî farûq
ger muqtedîrî dujminit wek şî’e de ker ke
teşbîhî řim û seyf û kef û quwetî bazûy
şu’ley xor û berq destî qeza ḧukmî qeder ke
îmkanî heye hênde qena’et were şa bew
emsalî geda nefist be xurmayî de der ke
teşbîhî be dû qołî qewî eḧmedî mursel
ya quwetî pişt hêzî dił û bendî ciger ke
bem ’edil û sexa û hîmmetewe emrî wehaye
bo meş’elî meḧşer were em şî’re leber ke
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
’usman ke nehengêke le deryayî ḧeyada
kêwêkî be temkîne le dinyayî wefada
curmêkî munîre le semawatî dyanet
hewrêkî metîre ke le afaqî ’etada
hênan û cem’ kirdinewey ayetî qur’an
’eynî yeke cibrîle le bazařî xwada
ger mu’cîzey ḧezretî eyyûbe teḧemmul
peyẍembere ’usman ke le meydanî řicada
îmane eger mayeyî mu’mîn le qyamet
’usmane besermaye le îqlîmî senada
ew ḧîlim û ḧeya û ’îlim û wefaye ke lewa bû
birdûyete bała le meqamî umenada
bem beḧse dił û tebi’ û ziman û qełemim wek
sefḧe ke hemû ẍerqe le emwacî sefada
’usman ke eme ’uşre le mî’şarî sîfatî
’usman ke deken zîkirî le sukkanî semada
nuqsane dełê gerçî le te’rîfî nebîda
em şî’re ema xoşe le te’rîfî celada
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
ew wexte ke şimşêrî şemî şîrî le dem hat
deyut ke zefer bo ’elî ta ser be qedem hat
bo fetḧî qełay xeyber û meydanî cebel çû
wek nazrî qesrêkî berîn řû be îrem hat
esbabî zefer xîl’etî ḧeq bû le ezelda
biřřabû be bałay ’elî bo ew be kerem hat
gerçî wekû yaranî emîş payeyî dîn bû
emma be ’elî xase wekû babî ḧerem hat
xwa pêm biłê řêwî minî min şêr deşkênim
em sewlete bo şêrî xuda zorî be kem hat
hełsa ke le çawî ’elî lêşawî muḧîbbet
bo zebtî diłî hînd û ’ereb řom û ’ecem hat
em cazîbeye řebbî çi bû bo le’elîda
ta ḧeddî peristiş be nezer mîslî senem hat
ger xase leber wesfî ’elî boye becêye
muştaqî îcadî suḧuf û qet’î qełem hat
em şahe legeł em ḧeşeme emrî wehaye
em şî’re bixiwênim ke le dił bonî elem hat
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed
şemrî meke ḧemdîPen name eme basî ḧeseneyne
dû çawî ’elî cergî řesûlusseqeleyne
bo çî bexeta çî le cîhada wekû seffeyn
key lem’eyî zehra û kûfe bedir û ḧuneyne
dû çawî ’elî û fatîme bûn bełku zyatir
bexwa ewî baweřîye dełê ’eynî dû ’eyne
kê dîwye biken şems û qemer ẍeyrî zya bexiş
ewlade ke şewqî dił û zubdey ebeweyne
zanîwte ke çend dûrin emane le peyember
hengamî tebessum wekû şeqî şefeteyne
min herçî biłêm neqse le wesfî ḧeseneyna
dujmin ke biłê warîsî textî ḧeremeyne
pêẍembere qelbî buwe řêy bê ẍemî ewlad
lem qelbewe biřwane ke qed mûyekî beyne
teswîrî nîgarînî ke kird lewḧeyî teb’im
bê şik ḧesenîn seyîdî xełqî weteneyne
tebşîrî eken xwêndinî em şî’re le ḧeşra
wek kewkebî îqbal û nîşanî ketîfeyne
muswedeyî subḧî ezelî mûyî muḧemmed
xurşîdî beyazî ebedî řûyî muḧemmed