ey bira kurdekanî aware
hawar
From the Book:
Dîwanî Bextiyar Zêwer
By:
Fayq Zewar (1908-1952)
2 minutes
816 views
ey bira kurdekanî aware
’erzî êwe ekem em efkare
le kułî diłmewe besozî ciger
dête der em sedayî haware
ba hemûman le xakî kurdistan
řêk bixeyn komełêkî ẍemxiware
ẍayeman îttîfaqî xoman bê
mîr û aẍa ẍenîy û bê yare
yekdił û yekzuban û azabîn
bo tereqqîy wiłatî bêçare
ey birakanim, ey ’ezîzanim
dił le daxî weten birîndare
’esrî bîstem cîhanî řoşin kird
keçî bo ême wek şewî tare
’eybe çawman le xwanî xełqî bê
bo mił û mûşî nefsî bêkare
ecnebî fa’îdey nîye boman
bełku wek ejdehay birîndare
kurd le sayey kesa bepyaw nabê
kê beteng kêweye eweş dyare
ême xoman eger munewwer bîn
tê egeyn dewrman hemû mare
sed esef bo hemû becê mawîn
sed esef bûyne pyawî ew xware
çende naxoşe lam ne nîmane
ne ḧikûmet, ne şahî xunkare
çende naxoşe lam le gwêm naye
dengî top, girmegirmî teyyare
ewe bo çi wale êwe qewmawe
cahîl û dûdłî ḧukmidare
werin ey lawekan dexîltan bim
diłî mîllet hîlak û bîmare
zûbezû ’îlletî tedawî ken
wek piřofsor ke leş eka çare
ger necatî neden, ewa emrê
em wiłate ’ezîz û nazdare
werin ey lawekanî kurdistan
piştîwanman xudayî cebbare
serbexoyî bixeyne berçawman
yek kewîn her kesê ke hoşyare
cejnî mîllî nizîke bo ême
nek beguftar, ewîş beřeftare