laylayey emřo
From the Book:
Şî’rekanî Kameran Mukrî le Řojnamekanda
By:
Kameran Mukri (1929-1986)
2 minutes
1023 views
korpey şîrînim bêre koş
řołey be şîr mest û serxoş
bê binoşe to piř be dem
badey jyanit korpekem
bê nêrgisecařî behar
bê çawgeşim, bê qoçke lar
bê naw demit ba hełmijim
bê dem be dem ba bîmjim
řûmet gułî çenage guł
bałindey cwanî laney dił
lew řojewe min minał bûm
her berew bûnî to eçûm
berî diłim mayey jyan
bexşindey zerdey ser deman
bendî ciger xoşî beser
benirx û feř ey bê zerer
bê nûrî herdû çawekem
bê dîde mestî nuqłe dem
natdem be kes pyawî nakes
bêhest û sûd û bêderbes
bida be kuşt bo zîw û zeř
bît be xorakî xwanî şeř
ey kotrî sipîy cwanim
ey lerey leḧnî řewanim
to dostî gişt minałanî
řeş bî û sipî, birayanî
dwařojî řûnak û xoşe
çaw le dujminit mepoşe
wirya be destey sermaye
neyşêwênin em dinyaye
neyken be kiłpey sûtêner
tya bisûtêt řołey beşer
cwanî mangî birîskedar
řengî gułî naw lalezar
şiney şemał lerey liqan
çawendazî şîrîn û cwan
bê to şêwey şîn û zaran
bê to jin û pyaw bêzarin
toy tirîfey mangî dem kel
toy awaz û cirîwey mel
toy oxeyî dił xozgey be kuł
toy řengî guł toy bonî guł
natkim be agirî betîn
bisûtênît xermanî jîn
natkem be nûkî şîr û tîr
natkem be pêwend û zincîr
hemû korpey hemû kesan
nazdarin bo diłî însan
dest le xwênawa sûr nekey
bo şeř gêřan xizmet nekey
etkem be qurbanî hîwa
hîway gelî pitew, biřwa
etkem be berdebazî řê
mîllet pêt be sera binê
be aştî korpem, řołekem
ta dwařoj perwerdet ekem