baxekem
From the Book:
Awat û Řenc
By:
Kameran Mukri (1929-1986)
1 minutes
1052 views
şî’rekanim çepkê wişen
tya nîye seyr ya degmen
bełam diłî peroşî min
bo dêřê şî’ir dařiştin
egeřê nizare û nizar
deşt û çem û bax û gułzar
ta le nizîk tavge awa
le şepolî xoretawa
ebê be diłopêk awring
eçête naw deryay gizing
le ser kenarî kelî şîn
enoşê honrawey şîrîn
ya ebê be şewbo be guł
eçête naw koşî çiqił
ta sirwey şemałî nyan
boy biłê neẍmey şî’rî cwan
le qetrey firmêskî çawa
lenaw cogeley xwênawa
lem şwênaneda diłekem
dênêt şî’re be kułekem
baxî aw edem be xwênaw
keçî xom nabînim be çaw