dîwarî sewz
gyane şîrînekem: be çawî to, «jyan têkoşane»,
From the Book:
Agir û Jîle
By:
Kameran Mukri (1929-1986)
1 minutes
850 views
řûm têke ey kiçołey şeng
ey gerdin zerdî genim řeng
ba dił legeł tirîfey mang
«hêmin» bijî ta demew bang
were legeł sirwey şemał
binoşim qetrey demî ał
le bîrme destey dił mirdû
xoyan û kutekî mandû
dway darkarîy ewanî tir
hatne wêzem wek agir
etut dîwarêkî sewzin
çawyan pişko, diłyan asin
tirpey pêy wiłaxî serkêş
diłî geřekî xiste êş
řûm têke û ey kiçołey şeng
ey gerdin zerdî genim řeng
ta nehatûnewe bimben
wek pyawkujêk zincîrim ken
ba têr seyrit bikem şeydam
ey gułî naskołey hîwam
xawenî ’eşqêkî petîm
gyane demêke ’ezretîm
ba maçit kem nek emcareş
bimbenewe zîndanî řeş
egerçî hergîz sizadan
tarîkayîy qûłî zîndan
lam naden lem řêge řaste
azadîy gelim mebeste
seyrim ke ey kiçołey şeng
ey bała berzî genim řeng