kurde gyan yaxwa cêjinit pîroz bê
From the Book:
Bo Kurdistan
By:
Hazhar (1921-1991)
2 minutes
1191 views
sałî 1324 bo sałpêwim nûsîwe ke lebin her mangêkda dû beyt binûsrê:
xakelêwe
kurde gyan yaxwa cêjinit pîroz bê
beharî jînit cêjnî newroz bê
çend diłguşaye xakelêweket
pîroze řenge şax û kêweket
banemeř
mangî banemeř le kurdewarî
beheşt le dinya xoy dawe dyarî
kej poşî le guł çadrî sûr û zerd
hařey hełdêran dermane bo derd
cozerdan
řenicber ba bes bê seyrî gwêswanan
ledestî toye çawî e’yanan
wa cozerdane û koçî behare
seretay řencî mamî cûtyare
pûşpeř
yaxuda herkesê kurdî xoş newê
wek pûşî pûşpeř be řûda kewê
be dasî merdî pałey kurdistan
bîden le taye bo sardî zistan
gelawêj
gelawêjekey bextit le aso
derkewt, çabû to nebûy řenceřo
nirxî em mange parey gyane
cêjnî sersałî komełî jyane
xermanan
wa řencî sałêt hatote berhem
řojî maw zorin, nebî ketre xem
emsał to nekey bo sałî dwayî
mangî xermanan dekey gedayî
řezber
řezman hate ber, lexem bûyn řizgar
řezber be xêr bê bo kurdî hejar
piřbû le mîwe em der û deşte
řastî kurdistan wêney beheşte
xezełwer
dujminman bimirin be derd û beła
wek be xezełwer dadeřjê geła
awirdû daxe kurde zistan dê
befir beřêwe bo kurdistan dê
sîxwar
sîxwar xoy nwand le ber pesaran
serma hat, diřa bergî hejaran
na na, to mangî diłxoşî û şadî
têtda hełkira ałay azadî
befranbar
wa befranbarî řûgirj û tałe
kurde gyan wextî xizane małe
hawîn peydake, emřo bî poşe
pyaw be’êrû bê? zistanîş xoşe
řêbendan
řêbendan gerçî řêgebendanî
gilêney çawî gelî kurdanî
lenêw manganda cwan û řûsûrî
le toda kira cêjnî cumhûrî
řeşeme
řeşeme, namey beharî hêna
koçî be xêłî sermaye lêna
řinûy řûxandin topxaney şemał
kurde diłxoş be nema jînî tał