day be gwêma bay şemał dengê be swêy giryanewe
şînî bêkes
From the Book:
Dîwanî Exol
By:
Akhol (1911-1988)
1 minutes
638 views
day be gwêma bay şemał dengê be swêy giryanewe:
şîne: şînî toye bêkes kewte naw yaranewe
sûr û lêł bû çawî kurdî quřbeser dił piř le zam
em birîneş bû be zamî sextî ser zamanewe
koçî nawext û le nakaw mirdinî to ser be ser
bû be dax û kewte cergî kurd û kurdistanewe
mang û řojî asmanî kurd û estêrey hemû
her be şu’ley bîrî to bû giştî edrewşanewe
dête gwêy yadim le řêgey mîleta êsteş ziřey...
kot û zincîrî des û qaçit lenaw zîndanewe
to nemirdûy ba leşt biřzê, le xaka her ejî
ne’retey azadîxwahit bem kej û kêwanewe
qet be diłta řanebûrê, bêkesî, çunke kesin
nêr û mê gewre û biçûkî kurd be pîr û cwanewe
daxekem bê denge bê to kořî yaran û sefay
ey çe bezmêkit exsite meclîsî řindanewe
to becêt hêstim ebê lomem nekey ger bê minîş
dił bidem înca be xakî girdekey seywanewe
kake fayeqNamed-Entity lêm bibûre pêm nebû pêy bême lat
wa be eşkî sûrî dûrî em gułem řazanewe