ey felek takey le des to şînî to giryanî to
şînî pîremêrd
From the Book:
Dîwanî Exol
By:
Akhol (1911-1988)
2 minutes
591 views
ey felek takey le des to: şînî to giryanî to
ta bekey nebřêtewe hawarî to, nałanî to
ta bekey çawî yeşawî qewmî bêkes, eşkî xwên...
her biřêjê yek be dûy yekda, nedey amanî to
piř birîn ah û enîn... bo nesrewê satê diłî!
daykî lêqewmawî kurdî bêser û samanî to
dey were sa pêkewe ba deste ejno şîn bikeyn
to beyadî pîremêrdNamed-Entity û min be swêy cwananî to
pêkewe bigrîn be yek deng bang bikeyne pîremêrdNamed-Entity
pêy biłêyn ey pîrî cwan dił pêşřewî cwananî to
xałe: mirdî namrî hergîz le gyanî mîlleta
nawî to nîşanî to kirdarî bê payanî to
bûbe nexşî berd le diłda... zeḧmete kwêr bêtewe
yadgar û řemzî nawî «jîn» y to bo «jyanî» to
ta ebed wêrdî zubane qet le bîr naçêtewe
zemzemey şîrîn û tazey lawik û ḧeyranî to
peyřewî dwařoje, ḧelqe gwêye bo gewre û biçûk
pendî piř te’sîr û me’na, pendî pêşînanî to
her le girdî yarî yareNamed-Entityt mełbenî cwanî û behar
baqye û baqî ebê, newrozî to seyranî to
zor le mêje çaweřête gyanî pakî mewlewî
bot peroş bû ah û nałey «pîrekey pîranî» to
ta hezaran sałî tir ew ’eşqe pakey zîn û memNamed-Entity
řûpeřey řengîn eka te’rîxî kurdistanî to
xwat legeł xałe binû bê bak le taney řojgar
pênc û dû řoje ebîne hawdem û mîwanî to