pêşekî «bo kitêbî karwanêk le şehîdanî kurdistanî êran»

lexoburdin û gyan le pênawnan karêkî sûk û asan nîye û le dest hemû kes naye. tenya ew kesane detwanin gyanî xoyan le pênawî awat û amance pîrozekanî gel nên û xoyan bikene qurbanî le řêgey azadî û bextewrîy xełkida ke gel û nîştimanyan le xoyan xoştir bwê. agirî řizgarîxwazî ewende le diłyanda biłêsey sendibêt ke serî xoyan bikene berdebazî řêgay gelekeyan û leşyan bikene lemper û qeza û bełagêřî nîştimanekeyan.

gelî qaremanperwerî kurd be dirêjayîy mêjûy tał û piř le kwêrewerîy xoy, hemîşe wecaxî řûn buwe. řołey aza û nebez û gyanfîday zor pê geyanduwe. hîç katêk le qurbanîdanda berçawteng nebuwe.

ew kej û kêwe berzane, em şêw û dołe zenwêrane be dilêrî ew řołe gyan le pênawane parêzrawin. em niza û lêřewawe sewz û xemłîwane be xwênî ewan aw dirawin.

jyan lay hemû kes şîrîne û gyan le lay hemû kes nenirxtirîn şite. ew kirêkareş ke le karga û karxaneyek kar deka û nemir nejî beřê deçê, ew werzêře sadeyeş ke le dêhat jyawe û pêgeyştuwe, wekû ew gewrepyawe benawbange ḧezyan le jyan kirduwe û gyanî xoyan xoş wîstuwe. eger xizmetî ewan gewretir û bekełkitre, emanîş xoşewîstitrîn şityan ke gyan û jyanyane le pênaw nawe û bineřet û binçîney jyan û xebatî geln û şayanî ewen lebîr neçnewe. em řołe gyanfîdayane be gewre û biçûkewe ke le ḧast gel û nîştimanekeyan ewende diłsoz û be’emeg bûn, gelekeşyan erkî serşanîyetî ewanî lebîr neçê û le ḧastyan be’emek bê. emegdarîy gel le ḧast řołe şehîdekanî, eweye ke nawyan le mêjûy xoyda nexiş kat û hemîşe beřêzewe yadyan bika.

ta em dwayyane hezaran û hezaran kes lem gyan le pênawaney gel nawyan lebîr çotewe, zordaran deretanî eweyan nedawe yadnameyekyan bo binûsrê.

ewey xwênerî beřêz lem kitêbeda deyxiwênêtewe, hewłdanêke bo bîrewerîy şehîdekanî gelî kurd le kurdistanî êran, le zemanî komarî xudmuxtarî mehabad bem lawe.

ew zeḧmetey kak kerîmî ḧîsamî le amadekirdinî em kitêbeda kêşawyetî û naw û beserhatî hêndê lew şehîdaney ko kirdotewe û bîrewerîy kirdûn benirxe û cêgay aferîne. bełam legeł eweş leber ewey le dûrewey wiłat amade kirawe, we sened û bełgey pêwîst û tewawî be destewe nebuwe, aşkiraye kemukořîy heye. meselen nawî taqe yekêkî le şehîdekanî cwanřoLocation nezanrawe û beserhatî gelêk le şehîdekanî dîkeş řûn nîye. erkî serşanî ew xwêndewaraneye ke le wiłatdan û le beserhatî şehîdekan û le řûdawekan agadarin em kemukořîyane tewaw ken.

bîrewerîy şehîdekanî kurdî kurdistanî êranLocation, le zemanî komarî xudmuxtarîy mehabadLocation bem lawe, le barêkî dîkeşewe zor girînge. ewîş emeye, her bem çeşne ke qazî miḧemedPersony şehîd, řemzî birayetîy gelekanî êran bû, emanîş cige le xebat le řêgey azadî û bextewerîy kurd û kurdistanda le pênawî azadî û bextewerîy hemû gele birakanî êranîşda têkoşan û gyanî xoyan fîda kirduwe.

çaweřwan dekirê ke řołe têkoşerekanî gelî kurd le gyanî pakî ew şehîdane îlham wergirin, le pênawî azadî û bextewerîy gelekeyan û hemû gele birakanî êranda, we bo azadî û û serbexoyîy êran û damezrandinî ḧikûmetêkî beřastî dîmukřatî le êranda ke mafî netewayetîy hemû gelekanî êran te’mîn bikat. we xêr û xoşî tewawî ew gelane bebê cyawazî tê bikoşê – tundutołtir û nebezanetir xebat biken.