dizekey xoy, xoy aşkira kird

pyawêk le qopîyek pawenî hebû. yekêk fêr bûbû dizîy lê dekird. xawenpaweneke temaşay kird řojbeřo gyayekey kem debêtewe. tê geyşit kesêk deyřnê. bełam neydetwanî dizeke bidozêtewe. beyanîyek dîtî dirawsêkey wa lewêye. serî sûř ma! pyaweke diłî le dirawsêkey pîs kird ke ew gyayekey dizîbê. bełam neydezanî beřastî ew dizîwyetî ya kesêkî dîke.

be yekewe basî dizranî gyayekeyan dekird ta bizanin kê deydizê. xawenî gyayeke gutî:

- êsta dizeke dedozmewe. ew keseye ke wa mêş be kiławekeyeweye.

dizeke bê ewey bîr lewe bikatewe ke wa xoy aşkira deka, desbecê destî bird bo kiławekey ke mêşe der bika.

xawengyayeke gutî:

- eweta! ewe dizeke dedozmewe. yexey kabray dizî girt.