giftar dir miqalat aş’irî
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
557 views
eger eş’erî bikeran efkar
xewas û ’ewam daran îxtyar
çun neqis qudret semedo mutłeq
be kîzb seḧîḧ gişt mebin milḧeq
çun barişt ebir, gerdiş felek
heway germ û serd, ḧerekey melek
mîqdar ’uqûl, qêsmet řozî
sîḧḧet û suqim, qel’ û feyrozî
nebî û murselîn ewlyay kîbar
me’mûr cebirin cumle be yekbar
ce wadîy eymen ḧezret mûsa
te’în bî ce ḧeq pey qewm gumřa
ce řîsaley wêş kerdiş î’tîzar
cêş nekerd qubûł daray cîhandar
nûḧ be emir ḧeq teblîẍ mekerd qewm
qewm be îstîhza nûḧ mekerdin lewm
mezanaş neqewm nimeko eser
baz ferman ḧeq mekerd mukeřřeř
zekerya, yeḧya, hem lût û salḧ
ce ḧeq nazil bîn pey qewm talḧ
mawerdin ce ḧeq perê qewm peyẍam
ekser ce peyẍam heras bîn medam
mezanan be we’iz nimebo meyser
baz hem ne ferman nimepêçan ser
ekser murselîn ce qewm ’enîd
be berman ḧeq yek yek bûn şehîd
xusûs muḧemmed «xitim alaٔnibya’Arabic»
sadir nekerd nutiq bê «wiḧî yuḧîArabic»
be qewl û be fî’il bê ferman ḧeq
«aslaًArabic» nekerd kar muḧemmed mutłeq
sûrey «kafrunArabic» ḧukimş bî tenzîl
ba qewm quřeyş sułḧiş bî tekmîl
naził bî ayey «aٔqitilArabic» muşrîkun
hem pey qetłişan kemer best be xûn
«derwêşPen name» îsbaten nebî û murselîn
qewl û fî’lişan ce ḧeqqen yeqîn
hem ce ewlya peyda ker delîl
ta ce eş’erî to nebî zelîl