miqalat dir ’iqîde cibrî gwîd
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
737 views
nîyen îxtyar be qewl cebrî
řed ce qewlşan meden eş’erî
zahîrş êden sûret ’eqłî
ce qewl herdû nebo mubtelî
emma ḧeddiş hen mîzan û meqam
bew şerit cew mîzan zyad nebo kelam
er cebrî baçan cebren xas û ’am
kufir mutłeqen be deřřakey xam
er ney mes’ele cebrî ban sadiq
saqit mebo ’edił ce qapîy xalq
pey çêş? her me’mûr ne her mezahîr
îcra ko umûr be emir amîr
key mebo be ’edił fa’îl ew kar
be îcray umûr bibo giruftar
er baçan nîyen ceza û mukafat
saqîten mîzan, ceḧîm û sîrat
mes’eley uxra eger seḧîḧ bo
bêferqî ce beyn qubiḧ û melîḧ bo
mebo ce qudret bê îqtîdar bo
ya ne îcray emir bê îxtyar bo
nimebî îlzam kutub «ma nizilArabic»
tesdîq umûr enbyay mursel
nimekerd îlzam emir û newahî
nimebî ce beyn zî řoḧ cudayî
mubaḧ mebî fî’il însan çun ḧeywan
bê te’sîr mebî xeterey şeytan
ney cada cebrî wêşan ban ḧekem
mer ye însafen ey zułim û sitem
nebo îmtyaz ne her pak û pîs
îta’ey cîbrîl, ’îsyan îblîs
yek la pey wicûd ḧeq meken îqrar
maçan ce ḧeqen asar her kar
ne yek la nîsbet bê îqtîdarî
meden be sîfat zat qehharî
çon řeway ’eqłen yaran hamdem
ce ḧeq û batił nebo yek ḧekem
pey îcray umûr nebo mutteqîm
yeksan ban ce ḧeq fîr’ewn û kelîm
şeq zekerya, nîran xelîl
nebo ecirşan ce qapîy xelîl
feził muḧemmed, bûcehil ’enîd
mezłûmîy ḧuseyn, mezłemey yezîd
nebo mukafat mezłûman zar
bê mucazat ban zelûm û «şirarArabic»
er cebrî maçan ce dar dinya
ceza û mukafat ḧeq meko eda
key bî pey xelîl û yeḧya mukafat
pey şimir û nemrûd kamen mucazat
er însaf keran cumle cebîyan
dîqqet ken ne kar umûr cîhan
«la tişbîh û la niqaş fî altimsîlArabic»
ce sînf beşer temsîl keym delîl
timsîl
sułtan îngilîs el’an yek zenen
nuqsanî zenan ne ’am řewşenen
wêş û tebe’eş ce dîn berîyen
ehil îbaḧen, cumle dehrîyen
ce lay dehrîyan, erz û asman
xelqindey zî řoḧ eşya û mafîhan
qedîmen herdû ce sebit û sebat
zî řoḧ û cemad new’en ce nebat
munkîren ne ḧeşir, ceḧîm û cînan
maçan baqîyen erz û asman
bazhem sułtanş daro ’edalet
nedaro qubûł zułim û zelalet
mer ewkes esmay zatiş ẍeyûren
key ’edil û însaf ce zatiş dûren
«derwêşPen name» maddey cebir yawa be kemał
şerḧ ker ne eqwal eş’erî eḧwał