agir le xemî dûrî berdebê

xoşewîstim... ke cêt hêştim
řûbarî çaw... bo hewrazî giryan deçû
ke cêt hêştim
tepey hengawî naw diłit
lenaw řeşmałî tenyayîm
bo êwarêy jyan deçû
xoşewîstim... bo cêt hêştim
*
minim gyane... meçekî xoşewîstî tom
le zîndanî dûrî řûta... bestiraweye
be girtinim... şayî befrewe...
wadezanê bedem xora ḧesaweye.
bo nazanin... quřgî zamî têkoşeran
şeyday kanî ew çaweye
çend dûrîş bim... lêm nizîke...
qijî sipî û pîrêtîmî la ferîke
xoşewîstim, ke cêt hêştim
wek gułî ber şemałî ẍerîbî gel
lenaw baxî cê hêştinma
henasey bonî peroşî
le yîncanî diłma, cimake cêt hêştim...
nemdezanî geřanewet, giryanêke.
cyabûnewey
(henasewsî) tawanêke
nemdezanî kam arezû
lenaw koşî derbiřînma nuqim bikem
ke cêt hêştim
nemdezanî... çon zîndanî çewsêneran
beber zebrî etom bixem.