dafî’î elem
From the Book:
Şarî Diɫ
By:
Kamel Emami (1903-1989)
1 minutes
867 views
etoy ḧekîmî hemû derd û dafî’î elemî
etoy ke şafî’î xawen gunahî zor û kemî
etoy ke řeḧmetekey girtî dar û berdî wiłat
wexřidekey be sexa û bezil sifrekey ḧetemî
wicûdî to buwe zîbî guł û diłî bulbul
be bonî towe geyşit, bû be noker û xedemî
wenewşe gerdinî xoy kird biłind le řastit zû
nesîmî subiḧ serî kird newî û day qesemî
ke ta wicûdî heye serinxûn û milkeç bê
syahperde bê daym hetakû dê ’edemî
ke swêsnîş wezman hat biłê minîş cwanim
seba be emrî cenabit şepêkî da le demî
temaşe nêrgisî xoşbext çonî tertîb da
le layê ḧuqqe wu kaẍez, le layekîş qełemî
leber ewe ke binûsê le medḧî to defter
bibête zîbî çemen, xoş bê hatnî qedemî