ardî nêw diřû
From the Book:
Şarî Diɫ
By:
Kamel Emami (1903-1989)
1 minutes
872 views
nîştimanî xoşewîst! bo parepare û let kiray?
to meger cerg û diłî emnî, be ḧesret dařzay?!
herçî parçeparçe û let let bî, lay řołey weten
her beřêz û ḧurmetî to, lay gelit berzeqełay
to be destî dujminanit bûye ardî nêw diřû
to be bay negbet bû wa her řoje bo layek biray
koçî lêqewmawekanit xwar û jûrî girtuwe
dênewe bo lat, dezanin axrî her to penay
her be dax û derdî towe pîr û law dexulênewe
to be destî dujminanit gyanekem! beş beş kiray
sed kelawe û lařûxaw û çał û çoł bî, nîştiman!
bo gelî małkawil û bêçare her cêgey penay
min be qurbanî kej û koy cwan û zenwêrit debim!
to beheştî ser zewî, to laberî cewr û cefay
ey şiney xoşî beyananit le ser lûtkey çya
laberî derd û xeme, to hênerî seyr û sefay
«kamîlPen name»y pîrit desewdu’aye bo řizgarîy to
çunke bo hoz û gelî aware her to řênumay