ward şidin nufil be xak ’amrî

From the Book:
Leyla û Mecnûn
By:
Khana Qubadi (1704-1778)
 1 minutes  670 views
sef’arayî sef řûy zemîn poşa
řû kerd ne wiłat êł ’amîr şa
qeys bar belêw, dêwaney sermest
berdiş çenî wêş leyl bidoş be dest
ferma qasîdan berdişan hewał
we xêł bawan leyl sosen xał
nofeł ne cay wêş xêzyan, aman
çenî çen hezar sipay bê saman
bew sipa daxił mułk duceylen
îradeş îdrak, xeyałş leylen
pase ber aman be zerb sator
leylê perê qeys bikêşo be zor
êł ’amîrî mesmû’ bî lêşan
ginan we serḧed karsazî wêşan
mehdî wat qasîd be mał û be zeř
ewende maweřom sipay saḧêb feř
serzemîn poşo xeyme û esp û merd
nêze do ne çem çerx lacewerd
nofeł necdî xeyałş xamen
qoşenş ce kon, leşkirş kamen
ya genc û mał meẍrûrş kerden
ya fewtiş aman eceł awerden
çar şatir kyast we çar terefda
we daman û deşt seḧray necefda
cebeł nişînan badîye û daman
saknan semit deryaçey ’umman