lişkir’arayî mihdî dir miqabil nufil
From the Book:
Leyla û Mecnûn
By:
Khana Qubadi (1704-1778)
1 minutes
630 views
xêzyan aman ’areban beř
qatił qoçaxan xûdey fûlad feř
êł muntefîk, qewm řeḧmanî
qebîley menzîr, quway ne’manî
şeybanî û melûḧ, benî ẍezayl
cem kerd cwanan ce her qebayl
ne cebeł ’amir ta şetul’ereb
xêzyan şêxan we emîr leqeb
mehdî we girdîn xel’et bexşan kerd
çenî hem we sext sewgendişan werd
ewend serdaran efrad şyûx
’ereb nijadan, cwanan şox
ẍubar yełẍar řûy sema poşa
yawa be îmdad êł ’amirşa
cem bîn ne ew cah be ’ezim sitêz
watî meḧşeren, řoj řestaxêz
’eyn ’erz û tûl qedare û ferseng
î’mal kerd ustad saz xoş aheng
ew şew meşayx, umeray ’ereb
we yaran be ’eyş be şadî û tereb
seḧer be ferman padşay qehhar
fatîḧ bî ne leyl serdarî tehhar
ce sipay deycûr sendişan xeřac
ferma bestişan qufił qapî dac
ce qaf ta be qaf, ce meh ta mahî
řewşen bî be nûr lîqay îlahî
aman we îmdad qebîley seqeyf
ce îbnu selam be sed kem û keyf