lişkir arayî nufil
From the Book:
Leyla û Mecnûn
By:
Khana Qubadi (1704-1778)
3 minutes
852 views
hey beyanewe êłcařî êłen
herkes meksiş kerd ce êłî wêłen
herkes kasey a nofełş werden
horêzo pey san wadey neberden
cehdî ceng cûyan, badî baderan
sengîn swaran, hunerperweran
xincer guzaran, saḧêb satûran
nêzew kemandar, gird seleḧşûran
cilûsî şêxan, ferxunde bextan
axêz kerd ne çoł cebel û sextan
ne řoj kerden sebir, ne şew kerden xew
yełẍar dan be cext, qetre dan be dew
yawan be xidmet serdar wêşan
pey meḧsûb san, yek yek sefkêşan
san begleran, sadiq enîsan
berşîn ce tomar defterniwîsan
leşkerniwîsan ce şumarey ceyş
sersam bîn temam, betał kerden ’eyş
nofeł saz řezim efrad û xanan
ferma awerden ne cibbexanan
qełxan çerim ketif gurgî kuhen sał
safter ce ewsaf zucacey zułał
xûdey xûnkarî, pak piř ce cewher
tey nîşan we seng yaqût gewher
zirey çar ayîn mutełłay teła
we çwar qal terqîm pey defi’ beła
qebzey têẍşan mêx zeř endûd
xerîte beysûẍ karxaney dawud
qułçaxan şefaf ne qałb peywest
fewq mirwarî bend pey řûpoş dest
sersinan sê kûz ney çoy nerim saf
serxîşan sercoş, mewday mûşkaf
qedarey qed paç biřindey qatił
çenî kemerbend pey merdan qabił
mîsrî bê aman jar alûdey jar
sîm û zeř xelaf řext mînakar
bałçiẍ sun’ saf karxaney feřeng
murese’ we le’il daney giran seng
şa nofeł hîmmet xeylê ’alî kerd
cibexaney wêş temam xałî kerd
nejdî nejadan netîcey namî
beste pey mesaf wext nîknamî
temam we esbab berg başewe
be zîn û serzîn xoş qumaşewe
cil aram turme temam surmediz
taq şał peşim kişmîrî gułdoz
licam lacewerd, řikab teła terz
bexşa we şêxan walay payeberz
kerem řêzan kerd walîy mułk necd
sipaş mun’îm kerd be ełtaf û wecd
we esp û esbab gurz û têẍ û tîr
keman û kemend, xûdey zeř zencîr
fesił tedarek sipaş temam kerd
şexsê we na’îb êł û eḧşam kerd
be ’ezim ’ibûr tełeb kerd meřkeb
xêza bang berz ya axî arkibArabic
biram swar ber be esp řehwar
ba hurakêşan, bî we hey swar
nîşt ne xwan zîn wêney keyanan
newazan sazan ne mîhterxanan
be ḧukim ferman daray mułk beř
kêşan beydaxan zeřîn bał zeř