ẍezelî sêyem
hatnewey payîz û nehatnewey azîz
From the Book:
Dîwanî Şakelî
By:
Sheikh Ehmed Shakeli (1905-1980)
2 minutes
628 views
germî germyan nema te’sîrî
ebexşê jyan heway diłgîrî
le pênciwên xuştir deştî şakele
çaweřêy řêgey şagułî gele
şiney nesîmî pay herdî şakel
bê to bê tame leber çawî gel
gel çaweřête biçûk û gewre
dewrey zankoye bêto lem dewre
yaranî zanko emser ta ew ser
toyan menzûre kake şêx enwer
çaweřwanî ton wird û heraşî
řêgew banekan eken awpaşî
bo silêmanît naye be bîra
bê to tyaye le cwan û pîra
payîze û cejne û şadî û azadî
yaran des lemil mubarek badî
şewq û sefaye, bezmî yarane
zewqî hawseran herwek carane
des le gerdinin yaranî gyanî
şeyday îşare û nîgay nîhanî
serxoşî xoşî payîz û cejnin
şêtî bê xewşî baław û bejnin
heryek we řengê diłî řengîne
lêwî parawî piř pêkenîne
min nebê bûnim herwek nebûne
dengî zayełey sazim zebûne
payîzu cejin û zanko û zanîne
bo dyar nebûnit dîdem nebîne
çun nadyarî yarî dyarî
cewherî gewher daney mirwarî
dyarî dyar her toy nadyar
besye seyranî ser herdû dyar
qewsî payîze û berzî bê tame
lem kate şakel cêgey arame
besye pênciwên befir ebarênê
şakel baranî deşt eřengênê
xo hawîn řoyî ewa payîze
katî geřyanoy gelî azîze
taqetim nema be çaweřwanî
bê to bêzarim le zîndeganî
řicaye emcar řoḧî şîrînim
bêro nek bimirim îtir netbînim
to ’îsay miryem miryem memrêne
bo jyanewey mujdey bo bêne
şîn û zayełey berze be bê to
etirsim axir bibê be řo řo
be germî dûrî mangî ken’anî
pîrêkî bêzar le zîndeganî
wa le sûtana wek şem’î şewan
çaweřêy řûy toy wek şewqî
er gurgî mergit nebuwe be mîwan
ey bo nayeyto bo deştî ken’an
ger çałî mirdin qûtî nedawî
samryem derke le dêy damawî