ẍezelî duwem
şîn û mersîye muxteser bo dwa koçî enwer
From the Book:
Dîwanî Şakelî
By:
Sheikh Ehmed Shakeli (1905-1980)
3 minutes
590 views
esef bo şagułî şakel ke bê naw û nîşan řoyî
le baẍî jînî bê beşma le daẍî nîştîman řoyî
çe nazk şêwe gencê bû melaḧet mîslî guftarê
esef bo yusfî şakel be nakamî jyan řoyî
ne min wek pîrî ken’anî umêdî řoşnayîm bî
ne ew geřyanewey mawe be carê cawîdan řoyî
desêkî berz û bałay bû le zanîn û kemałata
esef nakat û nakam û be des cewrî zeman řoyî
heway serkewtinî hozî leserda bû be sermaye
esef bew ḧesret û êşe be zamî kurdisan řoyî
çe wesfulḧałî min witra ewî em mesre’ey fermû
gułêkî seru bała bû be taracî xezan řoyî
gelî sałêke me’lûfî dyar û şarî kurdane
be hoy zankoy silêmanî le şarî germyan řoyî
le hewł û koşşî bê beş le dyar û yarî meḧrumî
neçû bo mergî nagahî lew şakel bo jyan řoyî
şewî ḧevdey temûzî heftawçiwarî zayînî
ke bo serdanî pênciwênLocation çû kemê pêşî beyan řoyî
eřoyî řûbe řûy dûřo be pêşwazî ḧeme û ’usman
esef sef sef le diłmaye ke herwa bê ewan řoyî
le dway koçî řewanî enwerî xawênî xawen pîr
leser ’eqił û le dił sebru le ten tab û tewan řoyî
ezanî şakelîPen name boçî ledwa koçî ewa mate
le gwê bîstin, le çawdîtin, ledem nutiq û zuban řoyî
kizey zamî fîraqî ew çizey azarî bêzarî
le diłma herwekû xencer le cerga wek sinan řoyî
çe daxêkî le cerga nabe mergî piř le awatî
diłî kirdim be gułzar û be bê şerḧ û beyan řoyî
be nazg teb’ya dyare le xak û awî pênciwêne
tebî’et boye řay kêşa wekû ’umrî cewan řoyî
esef sadey binałêne le daẍî baẍî ’umrî min
le cwîbarî jyanmida wekû awî řewan řoyî
şehîdî řêgeyî ’eşqe û weten meḧbûbî xasî bû
be îmanêkî baławe ’eceb şahîd ’eyan řoyî
şehîdî şahîdî ew bû newek tenha be îmano
be fermûdey melaw ’alem û şêx û zeman řoyî
witim gencêkî wa ey dił le dinya koçî boçî bû?
witî bo hawdemî ḧûr û temaşayî cînan řoyî
çenê tarêke em dinya le çawî şakelî çunke
le bustanda le nakaw û leber çawa nîhan řoyî
esef sadey le def de to wekû derwêşî aware
ke ew şoxe wekû şêxî le bezmî cahîdan řoyî
bîḧemdîlla supay sebirim be te’lîmatî ’usmanî
şikanî leşkirî şek û be naçarî dwan řoyî