řün newatî
From the Book:
Çepke Guɫ
By:
Shami Kermashani (1917-1984)
5 minutes
2186 views
merdim bayne dyar î bedbextye
řün xatircem, ley şare nîye
çîm řün bisînim, le yarû beqał
eřay naw hełway, cumey axirsał
siłamî kirdim, wet: eleyk gişt kes
ew kase eřay çe girdîd wih des?
mas tway? neyrim, řib tway? nîye
şîr dû cûr hes, sifîd û sîye
wetim: hey meşey «zindey gyand bû»
beqałî bayes, gişt cinsî daştû
şîrnî şeker ta şûrî nimek
tuxmî kasepişt ta ḧacî leklek
’unab û xakşîr, cewher mîwe
her lih gił serşûr ta gił gîwe
ahî serd kîşa beqał we diłgîr
wet nadrusî pîrim kerden pîr
zerfî mas tyerim du heftih mînêd
aw nişastih kesî nyesînêd
er pencay eřay muşterî kîşim
beydey mał û tîyey nemîdih řîşim
دۊای merafe û dawa û tûserî
kem kem kar kîşîd we kełanterî
dîm beqał bûr desim deyde şeř
keydemh kewtir qeyçî bał û peř
bî curim û teqsîr ’uzir û behanh
şapeřim kîşin kenemh lanh
beqał gurcew bî, eweł karî kird
desî çep hawird des řasim gird
maşełła we zûr, meşey ’elyesker
we eweł tekan, kîşademe der
pencem cûr tesbî penc şeş dewr şimard
sey «tu bimrî» û çwarde qesem xward
wet: xwem ’eşayr, çekîdey kurdim
damen řün le mał, xałûm hawirdim
dwêkih ta îmrû şeş menî birdin
hîç kam weqed tu îrad negirdin
du sa’et û nîm, le řün tarîf kird
we gyan serkar, meẍiz le serim bird
wetim: pencay çend? wet: şeş tumen nîm
wetim: gyan xwed yey penca bye pîm
ne mezey kirdim, ne lelî xwardim
şeş timen û nîm, eřay şimardim
herçend qerz krdüm, welî we xuşḧał
şîre û ard û řün, hawridme mał
ta řün řişandim, we naw tawe
dîm bûgenî řün xeylî xirawe
we gyan serkar, şûxî derřefte
min geman kirdim, bûgenî nefte
lenaw tawe, le ban pirmîz
yey hełway pezîn xuşřeng û qirimz
zeřey le hełwa, nyame ban zwan
dił û derunim, wextu bayte ban
tawe hełgirdim, werew naw hesar
gin gin ley hełwa, dame qey dîwar
hemsayeyl wetin: «şamî» şît bîye
wetim: ne merdim, ye bedbextîye
püłm ḧerame ye bayes biřşêd
er beşî bikem, mirdîyegan kuşêd
yey řün kele û řün newatîye
sîf imrîkayî! gerdî qatîye
damey qey dîwar, małeyg hawirdim
taqnimay naweřas, benkeşî kirdim
î qałe řesî, we gûş xawin mał
hate naw ḧesar, kirdey qirim û qał
jin sawmał, we mał hate deyşit
wih to çe pinhan mirdig eřam neyşit
ew her dişmîn dad, min deng nekirdim
axir mecbûr bîm, naw bawgî birdim
ta yey dişmîn dam, hem pyaw û hem jin
çü seg hełamat, hawirdin pey min
pyaw hate wer, jine kefte pişt
çing nane ḧełqim, we zîle we mişt
hef heşt des xwardim, du des weşanim
bîs kiranşîn řişyane banim
naw ḧesar bîye meydanî neberd
ceng şirû’ kirya we esłeḧey serd
we teştî řextişûr, eftawe û awpaş
yekî ateşřîz, yekî we meqaş
tayfey ewan, famîleyl min
amadey ceng bîn, hem pya û hem jin
min dîm kar gene, naw xuda birdim
kirawategey baqirxan girdim
her wek kîsekeş le naw ḧemam
dirîjî kirdim miştumałî dam
baqir xan le jîr, bîs nefer le ban
minîş le naweřas, cur kewaw lay nan
şeme û şekiralî, şemsułła û şîrza
mûsa û mam welî, mistefa û mîrza
sefer we sîle û mişteba we mişt
daraxan dad kird kerîm kazim kuşt
biçîm we ser wext, jineyl delîr
destey çü piłing, ’idey wîney şîr
merzye û mehweş, mehîn û mehnaz
şuhre û şerare, şehîn û şehnaz
amne û milûk, asye û eqdes
zułf yektirî, pîçanün we des
taban we takewş, ceyran we cařû
leyla we leqe û gułbanû we çû
kîşwer we kuçg dade ’elî xan
yey ředîf dinan aryey şikan
xenh lêrda bî ḧesen sîwił قەۊ
we sîley ’ebas neqiş بەساۊە زەۊ
du zeř’ weyey zeř’ zemîn ferş krdü
çiman leşî bî sê řuj pîş mrdü
zemîn ferş krdü çü qalî kułpay
gahî ẍeş mekerd ga ga mewat ay
mehweş medhûş bî, qemertac ẍeş kird
nisret xwey hiłak, le ban leş kird
çen şîşey matîk, le hingam ceng
řişya û şikya, zemîn krdü řeng
yey kîlû کەنیاۊ ziłifkîs curawcur
henayî, sifîd, syah û baz û bûr
sed tumen bîştir شکیاۊ we jîr pa
şane û gîrî pa zułf saxtî imrîka
du sa’et û nîm, ceng idame daşt
sed le’net we řün, tuxim niza kaşt
be’dez merafe û de’wa û qirim û qał
seyl ceng kereyl, yek yek çîne mał
xwem tenya menim, we diłey piř derd
gîc û sergerdan, şermende û řü zerd
ne řay pesim bî, ne řagey pîşim
ne řûy mał xwem, ne qewm û xîşim
wetim: sub biçim simsarî barim
hestîm heřac kem biçme pey karim
şamîPen name merafey řün newatî
hestîd dade bad xistede latî