şeřê bêt xêrî êmey tyabêt
From the Book:
Gird û Ko
By:
Nafe Mazhar (1913-1998)
1 minutes
722 views
yaxwa dewrupişt her şeřuşoř bêt
řûs legeł êran herwa nacûr bêt
’ebdulkerîmîş be tewrî edeb
êran tehdîdka bekurd û ’eřeb
řûs û amrîka bimřênin le yek
her bitirsênin yektirî be çek
nasir û nêhro tîzbiken be ẍerb
boyan şîkeno serencamî ḧeřb
çînî komonîst herwa qewî bê
xwênimj û załim serî newî bê
takû dewłetî meẍrûrî êran
awakatewe êranî wêran
řêga xoşkat û deẍłudan zyadka
şar û dê awa û mexlûq diłşadka
mexsûs kurdistan ke zor ledwa bûn
danîştuwanî řût û řîswa bûn
řebbî ewaney ke wextî řaḧet
lebîryan eçê diłxoşî mîllet
daym şêwaw û dił nařeḧet bin
zelîlî barî derd û zeḧmet bin
ta bênewayan be newa bigen
derdedaranîş be dewa bigen
êweyş ey kurd be wîcdan û dîn
becarê biłên îlahî amîn!