azîzim amay ay bê qerar wêm
From the Book:
Dîwanî Mewlewî
By:
Mawlawi Tawagozi (1806-1882)
1 minutes
2659 views
azîzim, amay ay bê qerar wêm!
ay ay çemeřa ay întîzar wêm!
mewtenekey çem dîdeş ha neřêt
ẍerîbî takey, bo we maway wêt
hay saqî! bazař cîlwey diłdaren
sewday xiřîdar, daney dîdaren
yekê we mayey gencî keyPersonewe
çun minîç we tay fertût «ney»ewe
er sed her kesê pey wêş we řawen
we qîmet nîyen, îxlas ḧesawen
mayl ker bała wey lada çun ney
desêwit def bo, ew des camî mey
ba bêdar kero takey bo ẍafił
def we seda gyan, cam we řeşḧey dił
ba kiłafe bo, axir lewanim
xakî pay ḧezret pîrî muẍanim
çun def, berg pos îradet poşim
ẍułamî ber des ḧełqe ne goşim
xum asa xeylên weten meyxanem
çun pyałey waq şîşey peymanem