azîzim ahîr dûrîy bałay to
From the Book:
Dîwanî Mewlewî
By:
Mawlawi Tawagozi (1806-1882)
1 minutes
2493 views
azîzim! ahîr dûrîy bałay to
cestem kerd we bûł, şemał berd pey ko
wirşey pirşey taw kûrekey cestem
şerarey lûley pêşey şikestem
girme û pizîskey çexmaxey pare
berqî birîskey şu’ley şerare
şaxey şirîxey birûskey derûn
ne çem şetawan carî kerd çûn hûn
mewc mido lafaw hûnî decley dił
ne fwarey çem hurimşano gił
kay diłim ne gêc mewcî fenada
mołeqen ne beyn xof û řicada
toyç însafit bo henî wesen wes
bîlla ce dûrît, ha bîm we qeqnes
takey çûn mecnûn wîłî herdan bim?
takey xemzedey barî hîcran bim?
her satê dûrît sed sałen ce lam
derdim karîyen we sergerdit bam!
bezeyît beyo we ceste û ḧałim
řîşem berama, heres we małim